ក្រុមហង្សក្រហមបានត្រៀមចុះហត្ថលេខា យកតារាបាល់ទាត់ឆ្នើមរបស់ក្រុមមេឃខៀវ Manchester City គឺ Leroy Sane ក្នុងកិច្ចសន្យាមួយដ៏ភ្ញាក់ផ្អើល ។
Sane រកបាន ៣៩ គ្រាប់ក្នុងការបង្ហាញខ្លួន ១៣៤ ប្រកួតឱ្យក្រុមម្ចាស់ជើងឯក City តាំងពីបានចុះកុងត្រាពី Schalke ក្នុងឆ្នាំ ២០១៦ ។
ថ្វីបើកីឡាករអាយុ ២៤ឆ្នាំរូបនេះ បានលេចធ្លោក្នុងតំបន់អឺរ៉ុប ប៉ុន្តែបែរជាអង្គុយនៅកៅអីបំរុង ដោយសារតែមានការប្រកួតប្រជែងជាមួយ Raheem Sterling, Riyad Mahrez និង Gabriel Jesus ។
Sane ត្រូវបានក្លិបជាច្រើនទាក់ទាញឲ្យចាកចេញពីពហុកីឡដ្ឋាន Etihad មុនពេលទីផ្សារដោះដូរកីឡាករនៅរដូវក្តៅហើយលោក Mills ជឿជាក់ថាលោក Jurgen Klopp អាចនឹងនាំយកកីឡាករអាឡឺម៉ង់មកកាន់ទឹកដី Anfield ។
លោក Danny Mills បានលើកឡើងថា ខ្សែប្រយុទ្ធ Adama Traore របស់ក្រុម Wolve ក៏ក្លាយជាប្រធានបទដ៏សំខាន់ ដែលអាចឈានជើងទៅក្រុមដែលឈ្នះពានរង្វាន់ ដោយជំនួស កីឡាករ Sadio Mane ឬ Mo Salah នោះនឹងក្លាយជារឿងមិនអាច តែសម្រាប់ Leroy Sane ជារឿងដែលអាច។គាត់នៅក្មេងទេពកោសល្យនិងបទពិសោធន៍ច្រើនជាង ។ ប៉ុន្តែខ្ញុំមិនដឹងថា Manchester City នឹងលក់ទៅឱ្យគូប្រជែង ឬយ៉ាងណា ?
