កីឡាករវ័យក្មេង Ferran Torres នៅរដូវកាលនេះត្រូវបានគេមើលឃើញថាជាកីឡាករម្នាក់ដែលកំពុងមានទំរង់លេងឡើងខ្លាំងនៅលីកកំពូលអេស្បាញក្រោយបានបង្ហាញស្នាដៃជូនក្លឹប Valencia និងជាពិសេសផងដែរគឺឈុតក្រោម២១ឆ្នាំរបស់ជម្រើសជាតិអេស្បាញហើយបច្ចុប្បន្នកំពុងទាក់ចិត្តក្លឹបធំៗជាច្រើនផងដែរ។
កាសែតអង់គ្លេស The Mirror បានសរសេរថាក្លឹបហង្សក្រហម Liverpool គឺជាអ្នកដែលបានធ្វើសកម្មភាពតាមដានមើលកីឡាកររូបនេះខ្លាំងជាងគេប៉ុន្តែក៏បានដឹងខ្លួនដែរថានឹងជួបបញ្ហាលំបាកដោយសារតែសូម្បីតែ Real Madrid និង Barcelona ក៏ជាអ្នកដែលមានបំណងចង់បានកីឡាករវ័យ២០ឆ្នាំនេះដូចគ្នាដែរ។
ទើបតែបានបង្ហាញខ្លួនឲ្យឈុតធំរបស់ Valencia នៅរដូវកាលនេះនិងថែមទាំងអាចមានឈ្មោះលេងនៅ Champion League ឲ្យក្លឹបនិងរកបាន២គ្រាប់នៅទីនោះព្រមទាំងជួយមិត្តរួមក្លឹបរកបានគ្រាប់បាល់ជាច្រើនមកហើយដែរកាលពីដើមរដូវកាល៕
ប្រែសម្រួល៖Lee
