អតីត ខ្សែបម្រើក្រុមបិសាចក្រហម Manchester United លោក Marouane Fellaini បានតេស្តរកឃើញផ្ទុក វីរុសកូរ៉ូណា១៩ ដែលត្រូវបានគេដឹងថា ជាករណីទី១ ដែលកើតឡើង នៅក្នុងលីកកំពូលរបស់ចិន Chinese Super League ។
កីឡាករខាងលើ បច្ចុប្បន្នលេងឲ្យក្លិប Shandong Luneng ហើយត្រូវបានគេដាក់ដាច់ដោយឡែក បន្ទាប់ពីការតេស្តរកឃើញវីរុសកូរ៉ូណា ១៩ ។
ក្នុងសេចក្តីថ្លែងការណ៍របស់ក្លិប បានឲ្យដឹងថា Marouane Fellaini កំពុងស្ថិតក្នុងការសង្កេត និងពិនិត្យព្យាបាល នៅឯមន្ទីរពេទ្យដែលបានកំណត់ ។ ក្លិបនឹងព្យាយាមប្រឹងប្រែងឲ្យអស់ពី សមត្ថភាព ដើម្បីព្យាបាលកីឡាកររូបនេះឲ្យជាសះស្បើយឡើងវិញ។
Fellaini បានផ្លាស់ទៅលេងនៅលីគកំពូលចិនពីក្រុមបិសាចក្រហម Manchester United កាលពីខែមករាឆ្នាំ ២០១៩ ។ កីឡាករប៊ែលហ្សិករូបនេះបង្ហាញខ្លួនបាន ៣៤ ប្រកួតអោយក្លឹបចិនខាងលើ៕
