ភ្នំពេញ៖ ក្នុងសន្និសីទសារព័ត៌មាន ស្ដីពី “វឌ្ឍនភាព និងទិសដៅការងារបន្ដ របស់ក្រសួងធនធានទឹក និងឧតុនិយម” នាព្រឹកថ្ងៃទី២៣ ខែមីនា ឆ្នាំ២០២០នេះ លោក ចាន់ យុត្ថា អ្នកនាំពាក្យក្រសួងធនធានទឹក បានមានប្រសាសន៍ថា ក្រសួងធនធានទឹក បានសិក្សារួចរាល់ នូវគម្រោងសាងសង់ស្ថានីយ៍រ៉ាដាទី២ សម្រាប់ព្យាករណ៍អាកាសធាតុ នៅក្នុងខេត្តកំពង់ធំ ដែលចំណាយថវិកាប្រមាណ ៧លានដុល្លារ ហើយនឹងចាប់ផ្ដើមសាងសង់ នៅឆ្នាំក្រោយនេះ ។
