ខ្សែការពារកូនខ្មែរបារាំង កុក បូរីស បានបញ្ចេញមតិមួយចំនួនបន្ទាប់ពី ភ្នំពេញក្រោន បានស្មើគ្នាជាមួយ ព្រះខ័នរាជស្វាយរៀង ០ទល់០ ក្នុងជំនួបសប្តាហ៍ទី៤ ពានរង្វាន់លីគកំពូលកម្ពុជា រដូវកាល២០២០ នាកីឡដ្ឋានស្មាតអរអេសអិន កាលពីម្សិលមិញ។
កីឡាករវ័យ ២០ឆ្នាំបាននិយាយថា៖ « នៅពេលដែលខ្ញុំឃើញ Esoh Paul Omogba ដណ្តើមបាល់ឈ្នះ Privat ក្នុងចំងាយប្រហែល៣០ម៉ែត្រពីទី ហើយខ្ញុំបានឃើញ ប៉ូលីន និង Ide ព្យាយាមប្រយុទ្ធនៅតំបន់កណ្តាល វាប្រៀបដូចជាសត្វសិង្ហលើទីលាន ។ ខ្ញុំអាចនិយាយបានថាក្រុមមួយនេះគឺខ្លាំងណាស់ ក្រុមមួយនេះអាចធ្វើឲ្យមានរឿងមួយកើតឡើងនៅ MCL សម្រាប់ឆ្នាំនេះ ព្រោះពួកយើងលេងជាក្រុម និងលេងដោយបេះដូង »។
គួបញ្ជាក់ផងដែរងថា គិតត្រឹមសប្តាហ៍ទី៤នេះ ភ្នំពេញក្រោន កំពុងមាន ១០ពិន្ទុក្នុងដៃ ឈរនៅកំពូលតារាង នឹងមិនទាន់របូតគ្រាប់បាល់នៅឡើយទេ ដោយក្រុម ព្រះខ័នរាជស្វាយរៀង ឈរលេខ២ មានពិន្ទុស្មើគ្នា៕
