ភ្នំពេញ៖ Harry Maguire ត្រូវបានគេជឿជាក់ថាគួរតែអាចបង្ហាញខ្លួនក្នុងការប្រកួតជ័យជំនះលើក្រុម Derby County កាលពីយប់មិញប៉ុន្តែបែរជាមិនអាចទៅវិញហើយដំណឹងនេះនឹងអាចធ្វើឲ្យអ្នកគាំទ្រព្រួយបារម្ភថារូបគេនឹងមិនអាចជួយក្រុមប្រកួតប៉ះនឹង Man City ឡើយនៅចុងសប្តាហ៍នេះ។
តាមការអះអាងរបស់គ្រូបង្វឹកក្លឹបបិសាចក្រហម Man United លោក Ole Solskjaer បានសារភាពថាខ្សែការពារអង់គ្លេសរូបនេះជាក់ស្តែងគឺអាចនឹងបង្ហាញខ្លួនក្នុងការប្រកួតយប់មិញម្ល៉េះនៅទឹកដីPride Parkប៉ុន្តែដោយសារស្ថានភាពរបួសក្បាលជង្គង់ពេលហ្វឹកហាត់បានធ្វើឲ្យរូបគេមិនអាចមានវត្តមានទៅវិញ។
ខ្សែការពារ២រូប Victor Lindelof និង Eric Bailly ត្រូវបានលោក Ole Solskjaer ប្រើជំនួសវិញនិងធ្វើការជាមួយនឹងខ្សែការពារស្លាបទាំងពីរគឺ Diogo Dalot និង Luke Shaw៕
ប្រែសម្រួល៖Lee
