កីឡាករខ្សែប្រយុទ្ធនេហ្ស៊ីរីយ៉ា Idion Ighalo ទីបំផុតក្រោយពេលដែលបានផ្ទេរមកលេងជាមួយនឹងក្លឹបបិសាចក្រហម Man United មួយរយៈហើយនោះទើបអាចរកគ្រាប់បាល់ដំបូងមួយគ្រាប់ជូនក្លឹបក្នុងការប្រកួតប៉ះនឹងក្លឹបប៊េលហ្ស៊ិក Club Brugge នៅក្នុងទឹកដី Old Trafford។
Ighalo បានចុះកុងត្រាជាមួយនឹងក្លឹបបិសាចក្រហម Man United ក្នុងលក្ខណ្ឌខ្ចីជើងពីក្លឹបចិន Shanghai Shenhua នៅថ្ងៃចុងក្រោយនៃការដោះដូរកីឡាករហើយវាបានធ្វើឲ្យគ្រប់គ្នាមានការភ្ញាក់ផ្អើលយ៉ាងខ្លាំងពីសំណាក់ការផ្ទេរមួយនេះ។មានអ្នកគាំទ្រមួយចំនួនហាក់បីដូចជាមិនមានភាពជឿជាក់ទៅនឹងកម្រិតនៃការលេងរបស់កីឡាករមាឌធំវ័យ៣០ឆ្នាំរូបនេះនោះទេ។
ការអបអរគ្រាប់លើកទី១កីឡាករ Ighalo បានធ្វើការរំលឹកទៅដល់បងស្រីរបស់ខ្លួនដែលបានស្លាប់ក្នុងវ័យទើប៤៣ឆ្នាំនៅក្នុងប្រទេសកាណាដាកាលពីពេលថ្មីៗនេះ។កីឡាកររូបនេះបានបង្ហាញពីក្តីឈឺចាប់ជាច្រើនទៅកាន់ក្រុមអ្នកកាសែត The Sunsports នាពេលកន្លងមកផងដែរ៕
ប្រែសម្រួល៖Lee
