ភ្នំពេញ៖ ក្លិបបាល់ទាត់ ភ្នំពេញក្រោន បានឡើងមកឈរកំពូលតារាង បើគិតត្រឹមសប្តាហ៍ទី២ នៃពានរង្វានលីគកំពូលកម្ពុជា រដូវកាល ២០២០ នេះ បន្ទាប់ពីបានយកឈ្នះលើក្រុម យុវជនបាទីអាយុក្រោម ១៨ឆ្នាំ ដោយលទ្ធផល ៧ទល់០ កាលពីម្សិលមិញនាកីឡដ្ឋានជាតិបាទី។
បើនិយាយសរុបអំពីក្លិប ភ្នំពេញក្រោន គឺកំពុងនាំមុខគេទាំងក្រុមទាំងមូល រួមជាមួយកីឡាករផងដែរ ពោលគឺ ក្រុមជើងឯក ៦ សម័យកាលនេះ រកបាន ១០គ្រាប់ ត្រឹម ២ប្រកួត នឹងមិនទាន់របូតគ្រាប់បាល់ឡើយ ខណៈដែលកីឡាករ Timothy ជាកីឡាករដែលរកបានគ្រាប់បាល់ច្រើនជាងគេ រួមមាន ៥ គ្រាប់ ដោយបង្ហាញខ្លួន ២ ប្រកួត ចំណែកអ្នកចាំទីដែលរក្សាសំណាញ់ទីមិនឲ្យរបូត ក៏កំពុងស្ថិតនៅកីឡាករ ភ្នំពេញក្រោន ដែរគឺ អ៊ុំ វិចត្រ ដោយមិនទាន់មានអ្នកណាអាចស៊ុតរួចផុតពីក្រញាំមដៃរបស់គេបានឡើយ។
គួរំលឹកផងដែរថា ការប្រកួតក្របខណ្ឌបាល់ទាត់កំពូលរបស់កម្ពុជា បានបញ្ចប់សប្តាហ៍ទី២ ហើយដោយ ភ្នំពេញក្រោន កំពុងឈរកំពូលតារាង ដោយមាន ៦ ពិន្ទុក្នុងដៃ តាមពីក្រោយពីក្រុមការពារជើងឯក ព្រះខ័នរាជស្វាយរៀង មានពិន្ទុស្មើគ្នា៕
