កីឡាករខ្សែប្រយុទ្ធជួរមុខរបស់ក្លឹបបិសាចក្រហម Man United កីឡាករ Marcus Rashford កំពុងព្យាយាមបន្តប្រយុទ្ធប្រឆាំងទៅនឹងរបួសខ្នងរបស់ខ្លួនដើម្បីធ្វើយ៉ាងណាសំខាន់បំផុតអាចទាន់ពេលបង្ហាញខ្លួនបានសម្រាប់ជម្រើសជាតិអង់គ្លេសក្នុងព្រឹត្តិការណ៍អ៊ឺរ៉ូឆ្នាំ២០២០រដូវក្តៅខាងមុខនេះ។
យោងតាមកាសែតអង់គ្លេស The Mirror និងការបញ្ជាក់ច្បាស់ពីគ្រូបង្វឹកក្លឹបលោក Ole Solskjaer បានឲ្យដឹងថាស្ថានភាពរបួសរបស់ Rashford គឺអាក្រក់ជាងអ្វីដែលយើងធ្លាប់បានព្រួយបារម្ភខ្លាំងកាលពីដំបូងពិតមែនហើយសង្ស័យថានឹងអាចជាបញ្ហាក្នុងការបង្ហាញខ្លួនឲ្យជម្រើសអង់គ្លេសជាមិនខានសម្រាប់ព្រឹត្តិការណ៍ដ៏ធំមួយនេះ។
Rashford ពិតជាកីឡាករដ៏សំខាន់ណាស់បច្ចុប្បន្នសម្រាប់ក្លឹបដោយកាលពីដើមរដូវកាលរូបគេធ្លាប់រកបានគ្រាប់បាល់នាំមុខគេដល់ទៅ១៤គ្រាប់ហើយខណៈដែលក្លឹបកំពុងមានកង្វះកីឡាករខ្សែប្រយុទ្ធផងនោះវាពិតជាធ្វើឲ្យលោក Solskjaer ពិបាកនឹងចាប់យកតំណែងលេខរៀងទី៤ណាស់រដូវកាលនេះ៕
ប្រែសម្រួល៖Lee
