កីឡាករខ្សែបម្រើប្រយុទ្ធសញ្ជាតអាមេនី Henrikh Mkhitaryan ត្រូវបានគេជឿជាក់ថានឹងត្រឡប់មកក្លឹបកាំភ្លើងធំ Arsenal វិញនៅរដូវក្តៅនេះក្រោយពេលបានបង្ហាញខ្លួនក្នុងលក្ខណ្ឌខ្ចីជើងឲ្យក្លឹប Roma អស់រយៈពេលមួយរយៈកន្លងមក។
កាសែត The Sun បានចេញផ្សាយថាទោះជាយ៉ាងណាក្លឹបមានជម្រើសមួយប្រសិនបើមិនចង់បាន Mkhitaryan មកពីអ៊ីតាលីវិញនោះគឺការទំលាក់តម្លៃខ្លួនកីឡាកររូបនេះ។គួរឲ្យដឹងដែរថាបច្ចុប្បន្នកាំភ្លើងធំ Arsenal បានដាក់តម្លៃខ្លួនដ៏ថ្លៃមួយសម្រាប់ Roma ក្នុងការចចារទិញប៉ុន្តែជឿជាក់ថាក្លឹបយក្សអ៊ីតាលីមួយនេះនឹងមិនពិចារណាឡើយបើតម្លៃនេះមិនធ្លាក់មកក្រោម២០លានផោនទេនោះ។
កីឡាករវ័យ៣១ឆ្នាំរូបនេះមានកុងត្រាលេងជាមួយនឹង Roma រហូតដល់ឆ្នាំក្រោយប៉ុន្តែគេបានដឹងថា Mkhitaryan នឹងមិនស្ថិតនៅក្នុងផែនការរបស់គ្រូបង្វឹកថ្មីលោក Mikel Arteta ឡើយ៕
ប្រែសម្រួល៖Lee
