ជាអត្ថបទគួរឲ្យភ្ញាក់ផ្អើលមួយដែលត្រូវបានចេញផ្សាយដោយកាសែតអង់គ្លេស The Sun នៅថ្ងៃនេះដោយបានអះអាងថាក្លឹបយក្សអ៊ីតាលី Juventus ម្ចាស់ជើងឯកលីកអ៊ីតាលីច្រើនសម័យពេលនេះបានបង្ហាញបំណងក្នុងការចង់បានវត្តមានរបស់គ្រូបង្វឹកឆ្នើមលោក Pep Guardiola មកកាន់ទឹកដីរបស់ខ្លួននាពេលខាងមុខនេះ។
ប្រភពដដែលបានសរសេរទៀតថា Juventus នឹងប្រើប្រាស់គ្រប់មធ្យោបាយដើម្បីនាំយកបុរសរូបនេះមកអ៊ីតាលីឲ្យបានទោះបីក្នុងលក្ខណ្ឌបែបនេះឬតម្លៃច្រើនបែបណាក្តីហើយការចចារនឹងអាចចាប់ផ្តើមធ្វើឡើងនារដូវក្តៅខាងមុខនេះហើយដើម្បីមកជំនួសតំណែងរបស់លោក Maurizo Sarri។
ក្នុងនោះផងដែរប្រធានក្លឹបរបស់ Juventus លោក Andrea Agnelli ក៏ធ្លាប់បានបញ្ជាក់ដែរថាលោក Pep Guardiola គឺជាកត្តាដ៏សំខាន់មួយដែលក្លឹបមិនទាន់មានក្នុងការនាំយកពានរង្វាន់ Champion Leauge មកទីនេះវិញក្រោយខកខានអស់រយៈពេលជាច្រើនទសវត្សមកហើយគិតចាប់តាំងតែពីឆ្នាំ១៩៩៦ម្ល៉េះ៕
ប្រែសម្រួល៖Lee
