ភ្នំពេញ៖ ក្រុមម្ចាស់ផ្ទះ ពព្រះខ័នរាជស្វាយរៀង បានយកឈ្នះក្រុមភ្ញៀវ Master 7 ដោយលទ្ធផល ៤ទល់១ ក្នុងជំនួប AFC Cup Playoff ជើងទី១ នាពហុកីឡដ្ឋានជាតិមុននេះបន្តិច។
ខ្សែបម្រើប្រយុទ្ធ ហួយ ផល្លីន បើកការនាំមុខឲ្យម្ចាស់ផ្ទះមុននៅនាទី ១៥ ខណៈដែលអតីតខ្សែប្រយុទ្ធ គីរីវង់សុខសែនជ័យ កីឡាករ Coulibaly ជជួយក្រុមភ្ញៀវញៀវមកពីប្រទេសឡាវតាមស្មើ ១ទល់១ តែម្ចាស់ស្បែកជើងមាស Privat ស៊ុតគ្រាប់ទី២ ឲ្យព្រះខ័នរាជស្វាយរៀងនាំមុខបន្តនៅនាទី ៤០ ននាទី ចូលវគ្គទី២ ក្រុមមកពីឡាវ បានព្យាយាមដើម្បីតាមស្មើ ប៉ុន្តែ ត្រូវ ក្រុមតំណាងឲ្យកម្ពុជា ស៊ុត ២ គ្រាប់បន្ថែមទៀត ដោយ ហួយ ផល្លីន និង Privat ដដែល នៅនាទី ៦០ និង ៧០ ចំណែកក្រុមភ្ញៀវព្យាយាមសម្រុកយ៉ាងណាក្តី ក៏លទ្ធផល ៤ទល់១ នេះរក្សាដល់ចប់ ៩០នាទី។
គួរបញ្ជាក់ផងដែរថា ព្រះខ័នរាជស្វាយរៀង នឹងធ្វើដំណើរទៅប្រកួតជើងទី២ នាប្រទេសឡាវវិញម្តង នៅថ្ងៃទី ២៩ មករា វេលាម៉ោង ៧ នារដ្ឋធានីវៀងចន្ទន៍៕
អត្ថបទ៖ មៃ ចាន់បុត្រ
