កីឡាករ Bruno Fernandes បានបង្ហាញអាការៈខឹងសម្បារ បន្ទាប់ពីក្លិប Sporting បានជូនដំណឹង ទៅកាន់ខ្សែបម្រើរូបនេះថា ពួកគេមិនយល់ព្រមចំពោះសំណើរដែលក្លិបបិសាចក្រហមផ្តល់ជូននោះទេ ។
ក្លិបបិសាចក្រហមបានព្យាយាមធ្វើការលើទីផ្សារដោះដូរកីឡាករ ជាពិសេសជាមួយក្លិបនៅទឹកដី ព័រទុហ្កាល ជាច្រើនសប្តាហ៍មកហើយ ប៉ុន្តែមិនឈានដល់កិច្ចព្រមព្រៀងឡើយ។
បិសាចក្រហម បានបង្ហាញក្តីសង្ឈឹម កុងត្រាកីឡាករអាយុ ២៥ឆ្នាំ ខណៈដែលសាមីខ្លួន ក៏បានសម្រេច ចិត្តថាចាកចេញដូចគ្នា។
ក្លិបនៅអង់គ្លេស ខាងលើត្រូវបានគេចុះផ្សាយថា បានផ្តល់សំណើរជូនក្លិបព័រទុហ្កាល ចំនួន ៤២.៦ លានផោន ជាមួយទឹកប្រាក់បន្ថែម ២៥.៥លានផោនទៀត ក្នុងករណីក្លិបអាចឈ្នះលីកកំពូលអង់គ្លេស Champions League ឬមួយក៏ Fernandes អាចបញ្ចប់ក្នុងតំណែងជាកីឡាករ៣នាក់ ដែលស្ថិតក្នុងការដណ្តើមពាន Ballon d’Or ។
Sporting បានប្រាប់ទៅកាន់ក្លិបបិសាចក្រហម ថា អ្វីដែលផ្តល់ឲ្យគឺទាបបំផុតនូវអ្វីដែលពួកគេរំពឹងទុក ហើយកំពុងស្នើសុំថ្លៃខ្ពស់ជាងហ្នឹង។ ក្លិប Sporting សូមឲ្យការផ្តល់ជូននូវទឹកប្រាក់ ៥៥.៣ លានផោន បូករួមទាំង ប្រាក់បន្ថែម ក៏ព្រោះតែក្លិបបិសាចក្រហម ស្ថិតនៅឆ្ងាយក្នុងការដណ្តើមពានលីកកំពូលក្នុងស្រុក ឬក៏ពានតំបន់អឺរ៉ុប។
កាលពីល្ងាចថ្ងៃពុធកន្លងទៅ លោក Frederico Varandas ប្រធានក្លិប Sporting បានទូរស័ព្ទទៅ Fernandes និងបានប្រាប់ខ្សែបម្រើរូបនេះថាពួកគេនឹងមិនទទួលយកការផ្តល់ជូនរបស់ Man United នោះទេ។
ក្នុងនោះដែរ Fernandes បានឆ្លើយតបយ៉ាងក្រអឺតក្រទមទៅ Varandas ក៏ព្រោះតែគាត់បានព្យាយាមចាកចេញតាំងពីរដូវកាលមុន ប៉ុន្តែត្រូវបានរារាំង ហើយខ្សែបម្រើរូបនេះបានលើកឡើងថា ចង់ចាកចេញ ក្នុងទីផ្សារដោះដូរ កីឡាករនាខែមករានេះ ហើយក៏បានគំរាមដល់ក្លិបថានឹងដកខ្លួនពីការលេងជាមួយ Benfica ក្នុងគោលបំណងបង្ខំឲ្យមានការផ្លាស់ប្តូរទៅកាន់ទឹកដី អូត្រាហ្វត ៕
