ភ្នំពេញ៖ លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ ដឹកនាំកងកម្លាំងនគរបាល អញ្ជើញសាកសួរសុខទុក្ខកងកម្លាំងលោកអនុសេនីយ៍ឯក រស់ សារិន នាយប៉ុស្តិ៍នគរបាលរដ្ឋបាលចំបក់ រងរបួសក្នុងកិច្ចប្រតិបត្ដិការ ជួយអន្ដរាគមន៍ក្នុងករណីបង្កហឹង្សានៅភូមិក្រាំងចេក ឃុំចំបក់ ស្រុកភ្នំស្រួច ខេត្តកំពង់ស្ពឺ កាលពីវេលាម៉ោង១៩នឹង៤៥នាទី នាថៃ្ងទី១៨ ខែមករា ឆ្នាំ២០២០ ប្រព្រឹត្តិឡើងដោយជនល្មើស ទូច ហេង ភេទប្រុស អាយុ២៨ឆ្នាំ បាញ់បង្កហឹង្សាដេញវាយឈ្មោះ ចន សុខវី ភេទប្រុស អាយុ២៥ឆ្នាំ និងដេញវាយលោកតា អាយុ៧០ឆ្នាំ យាយបង្កើតអាយុ ៦៨ឆ្នាំ ទើបមានកិច្ចស្នើសុំជួយអន្ដរាគមន៍បន្ទាន់ពីសមត្ថកិច្ច នគរបាលរដ្ឋបាលចំបក់ ជាហេតុធ្វើឲ្យជនល្មើសឆ្លៀតឱកាសធ្វើការប្រតាយប្រតប់រហូតដណ្ដើមបានអាវុធបាញ់ប្រហារមកលើសមត្ថកិច្ចនគរបាលរួមមាន លោកអនុសេនីយ៍ឯក ទុយ ពៅ ស្លាប់ លោកអនុសេនីយ៍ឯក រស់ សារិន រងរបួសធ្ងន់ បញ្ជូនមកសង្គ្រោះបន្ទាន់នៅមន្ទីរពេទ្យខេត្តកំពង់ស្ពឺ ។
យោងតាមអគ្គស្នងការនគរបាលជាតិបានឲ្យដឹងថានៅរសៀលថ្ងៃទី១៩ ខែមករា ឆ្នាំ២០២០ នេះផងដែរលោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ រួមជាមួយលោក លោកស្រី ស្នងការរង មន្ត្រីនគរបាលចំណុះស្នងការដ្ឋាននគរបាលខេត្ដ បាននាំយកនូវថវិកាមួយចំនួនជូនដល់លោកអនុសេនីយ៍ឯក រស់ សារិន នាយប៉ុស្តិ៍ដែលកំពុងសំរាកព្យាបាលជំងឺនៅមន្ទីរពេទ្យខេត្តកំពង់ស្ពឺ ក្នុងនោះដែរលោកតាបង្កើតជនល្មើសក៏កំពុងសំរាកព្យាបាលនៅមន្ទីរពេទ្យខេត្តកំពង់ស្ពឺផងដែរ រងគ្រោះដោយសារអំពើវាយរបស់លោកចៅ ពាល ថវិកាប្រគល់ជូនលោកអនុសេនីយ៍ឯក រស់ សារិន នាយប៉ុស្ដិ៍នគរបាលរដ្ឋបាលចំបក់ សរុប ៥លានរៀល ដប់ម៉ឺនរៀល (ថវិកា ឯកឧត្ដម នាយឧត្ដមសេនីយ៍ សន្ដិបណ្ឌិត ២លានរៀល ) លោកឧត្តមសេនីយ៍ស្នងការ បានឧបត្ថម្ភថវិកាជូនលោកតា ជនល្មើស ចំនួន៣០ម៉ឺនរៀល សម្រាប់ដោះស្រាយការលំបាកក្នុងពេលព្យាបាលជំងឺ ៕
ជនបង្ក
