Ajax កំពុងធ្វើការពិចារណានាំយកកីឡាករ Matthijs de Ligt ពីក្លិប Juventus វិញក្នុងលក្ខណ្ឌខ្ចីជើង បន្ទាប់ពីមើលឃើញអតីតកីឡាកររបស់ខ្លួន ជួបបញ្ហាច្រើននៅលើទឹកដីអ៊ីតាលី។
ខ្សែការពារឆ្នើមរបស់ហុល្លង់ត្រូវបានក្លិប Juventus ចុះហត្ថលេខាយកក្នុងតម្លៃ ៧៥លានផោន ។
របាយាការណ៍ចេញពី A Bola បានឲ្យដឹងថា Ajax បានត្រៀមខ្លួនរួចរាល់ហើយ ក្នុងការឃើញកីឡាករខ្សែការពារឆ្នើម វិលត្រលប់មកកាន់ Ajax វិញ ក្នុងករណីដែល Juventus ព្រមព្រៀងឲ្យខ្ចីជើងនោះ។
Ajax ត្រូវបានគេនិយាយថា បានឃ្លាំមើលយ៉ាងដិតដល់នូវរបៀបដែល Matthijs de Ligt បានវិវិត្តន៍ ក្រោមការដឹកនាំរបស់លោក Maurizio Sarri។
អ្វីដែល Ajax ចង់បានមកវិញ បន្ទាប់ពីកីឡាករ Matthijs de Ligt បានអង្គុយមើលការប្រកួតជាមួយ Atalanta ដោយជួសមកវិញMerih Demiral ។
ខណៈដែល Merih Demiral ធ្វើបានល្អ បានបង្កចោទនូវសំណួរឡើងជុំវិញ អនាគតលេងរបស់ Matthijs de Ligt ។
ទោះបីជាយ៉ាងណាដើម្បីបញ្ចប់នូវមន្ទិល លោក Sarri បានប្រាប់ Sky Sport Italia ថា ខ្ញុំគឺជាមនុស្សដំបូងគេដែលជឿជាក់ថាគាត់នឹងក្លាយជា ខ្សែការពារដំបូងគេនៅលើពិភពលោក ។ ពិតណាស់ បច្ចុប្បន្ន de Ligt បានជួបនូវបញ្ហាក្នុងរយៈពេល ៥ខែមកនេះ ដោយបញ្ហានោះគឺ ត្រូវរស់នៅ ប្រទេសថ្មី និយាយភាសាថ្មី និង លីកប្រកួតថ្មី៕
