ភ្នំពេញ៖ កាលពីម្សិលមិញនៅលើបណ្តាញសង្គមហ្វេសប៊ុកដែលមានឈ្មោះ Pheng Vannak News បានបង្ហោះ នឹងផ្តល់ប្រាក់ឧបត្ថម្ភទៅម្ចាស់ស្បែកជើងមាស នឹងស្រោមដៃមាស។
លោក ផេង វណ្ណៈ បានបង្ហោះថា៖ “ខ្ញុំឧបត្ថម្ភក្មួយស្រី វឿន សុថាន ២០០ ដុល្លារ។ ប្អូនស្រី សាយ សោភា នាយិកាសាលា world ឧបត្ថម្ភ អ្នកចាំទី ២០០ ដុល្លារ។ បន្ទាប់ពីទទួលបានព័ត៌មានថា ក្មួយស្រី កីឡាការិនី វឿន សុថាន ជាកីឡាការិនីបាល់ទាត់ សមាគម នៃ មន្ទីរអប់រំ យុវជន និង កីឡា ខេត្តកំពង់ឆ្នាំង ទទួលបានស្បែកជើងមាសក្នុងការទាត់បាល់បញ្ចូលទីបានច្រើនជាងគេ ទទួលបានប្រាក់ឧបត្ថម្ភតែ ១០ ម៉ឺនរៀល ខ្ញុំបាទ និង ក្រុមគ្រួសារ សូមឧបត្ថម្ភបន្ថែមចំនួន ២០០ ដុល្លារ ។ ចំណែកអ្នកចាំទីដែលទទួលបានស្រោមដៃមាស ប្អូនស្រី សាយ សោភា នាយិកាសាលា World ឧបត្ថម្ភ ២០០ ដុល្លារ ដែរ ។ នៅថ្ងៃស្អែកខ្ញុំនឹងអោយតំណាងយកថវិកាទៅជូនក្មួយស្រីទាំង ២ សូមអបអរសាទរក្មួយស្រីទាំង ២។”
គួរំលឹកផងដែរថា កាលពីថ្ងៃទី២៤ ខែធ្នូ ឆ្នាំ២០១៩ ការប្រកួតជម្រើសជើងឯកនារី ឆ្នាំ២០១៩ ដោយក្រុមខេត្តស្វារៀង ឈ្នះជើងឯកឈុតធំ នឹងក្រុមខេត្តបាត់ដំបង ឈ្នះជើងឯក អាយុក្រោម ១៨ឆ្នាំ៕
អត្ថបទ៖ មៃ ចាន់បុត្រ
