ក្រោយការបង្ហាញខ្លួនឲ្យឈុតធំជាទៀតទាត់នៅរដូវកាលនេះរួចមកកីឡាករវ័យក្មេង Scott McTominay ត្រូវបានក្លឹបបិសាចក្រហម Man United បានត្រៀមខ្លួនរួចរាល់ហើយដើម្បីបន្តកុងត្រាថ្មីដែលនឹងផ្តល់ឲ្យរូបគេនូវប្រាក់កម្រៃប្រមាណជា៦ម៉ឺនផោនក្នុងមួយសប្តាហ៍។
ទំរង់លេងដ៏ល្អរបស់ McTominay ជាពិសេសប្រកួតចុងក្រោយយកឈ្នះក្រុមជើងឯកចាស់ Man City នោះបានធ្វើឲ្យតំណែងរបស់គេនៅ Old Trafford កាន់តែសំខាន់ជាពិសេសក្រោមការដឹកនាំរបស់លោក Ole Solskjaer ដោយក្នុងនោះគេអាចបង្ហាញខ្លួនបាន១៨ដងហើយរដូវកាលនេះឲ្យក្លឹប។
កុងត្រាចាស់របស់ McTominay ទទួលបានត្រឹមតែ៣ម៉ឺនផោនប៉ុណ្ណោះក្នុងមួយសប្តាហ៍ហើយកុងត្រាចុងក្រោយនេះទើបតែត្រូវបានចុះហត្ថលេខាកាលពីខែមករាកន្លងទៅនេះប៉ុណ្ណោះដែលមានសុពលភាពដល់ឆ្នាំ២០២៣៕
ប្រែសម្រួល:Lee
