គ្រូបង្វឹកតោខៀវ Lampard បានបង្ហាញក្តីសង្ឈឹមថា ខ្សែប្រយុទ្ធ Tammy Abraham នឹងអាចរួចផុតពីបញ្ហារបួសធ្ងន់ធ្ងរ បន្ទាប់ពីសែងលើកចេញមកក្រៅទាំងទឹកភ្នែក។
បញ្ហារបួសនេះ បានកើតឡើងបន្ទាប់ពីតោខៀបានធ្វើដំណើរទៅកាន់ទឹកដី Valencia ដោយត្រឹមតែលទ្ធផល 2-2 ដោយធ្លាក់ទៅកាន់លេខរៀងទី ៣ ក្នុងពូល H ។
អ្នករកគ្រាប់បាល់បាន ១១ គ្រាប់ច្រើនជាងគេរបស់ Chelsea បានស្រក់ទឹកភ្នែកបន្ទាប់មានបញ្ហាត្រគាក អំឡុងពេលប្រកួតជាមួយ Valencia កាលពីរាត្រីយប់មិញនេះ ដោយប្រជែងគ្នាយកបាល់ពីលើអាកាស ។
Abraham អាយុ២២ឆ្នាំ បាននិយាយថា ខ្ញុំខ្លាចរឿងអាក្រក់បំផុត ប៉ុន្តែពេលនេះវាបានចូលមកហើយ ហើយសង្ឈឹមថាអាចនឹងដើរបានម្តងទៀត និងសង្ឈឹមថាវានឹងមិនយូរអង្វែង ។
លោកបានបន្តថា នឹងធ្វើការស្កេនមើល ហើយសង្ឈឹមថាមិនជាអ្វី និងមិនមានបញ្ហាធ្ងន់ធ្ងរទៅចុះ ។
Lampard បាននិយាយថា វាមិនធ្ងន់ធ្ងរដូចអ្វីយើងបានឃើញនោះទេ ។ ប៉ុន្តែអតីតមេតោខៀវ លោក Glenn Hoddle មានបង្ហាញអារម្មណ៍ភ័យខ្លាច ថា Abraham ប្រឈមនឹងការសម្រាកបានយូរ ។គាត់បាននិយាយថា វាស្មុគស្មាញណាស់ បើសិនជាគាត់មានបញ្ហាត្រង់ត្រគាក ។
តោខៀវតំរូវអោយទទួលបានជ័យជំនះនៅផ្ទះ Lille ក្នុងការប្រកួតចុងក្រោយក្នុងពូល H នៅខែក្រោយដើម្បីធានាអោយបានកៅអីឡើងទៅវគ្គ ១៦ ក្រុមចុងក្រោយ៕
ទស្សនាវីដេអូខ្លីដូចខាងក្រោមនេះ៖
https://www.youtube.com/watch?v=FsGjgRuE1LI
