អតីតអ្នកចាំទីរបស់ Boca Juniors លោក Hugo Gatti បានអះអាងថា មានវិធីតែម្យ៉ាងគត កីឡាករ Lionel Messi វិវត្តន៍ខ្លួន ក្លាយជាកីឡាករ កាន់តែល្អបំផុតរបស់ពិភពលោក គឺផ្លាស់ទៅកាន់ Real Madrid ដោយបានបង្ហាញយ៉ាងច្បាស់រួចរាល់ហើយ ដែល Ronaldo ធ្លាប់បានធ្វើ កន្លងមក។ នេះបើយោងតាមគេហទំព័រ Marca បានចុះផ្សាយ។
ទោះបីជា Messi បានបង្កើតនូវទម្រង់លេងដ៏អស្ចារ្យ ដោយជួយឲ្យ Barcelona យកឈ្នះទៅលើ Real Valladolid ក្នុងលទ្ធផល 5-1 កន្លងទៅ ដោយបានរកគ្រាប់បាល់មួយ និងជួយឲ្យមិត្តរួមក្រុមបំប៉ោងសំណាញ់ពីរលើក តែមិត្តរួមជាតិរបស់គាត់មិនជឿថា គាត់អាចធ្វើបានដូចនេះ ជាមួយ ក្លិបធំៗឡើយ។
Gatti បានថ្លែងទៅកាន់កម្មវិធីទូរទស្សន៍ ‘El Chiringuito de Jugones ថា មើលមកខ្ញុំហាក់ដូចជាប្រឆាំងនឹងអាហ្សង់ទីន ប៉ុន្តែ យើងសាកសង្កេតមើលទៅ Messi នៅលេងក្នុងនាមជាម្ចាស់ផ្ទះ មិនអាចលេងជាមួយក្លិបធំៗ ល្អយ៉ាងដូច្នោះ ។
គាត់ត្រូវតែមានបាល់ដើម្បីទៅលេងនៅ Real Madrid និងបង្ហាញអ្វីៗគ្រប់យ៉ាងនៅទីនោះដូចជា Cristiano [Ronaldo បានធ្វើ] ។ ហើយបើធ្វើបាន នោះគាត់នឹងក្លាយជាកីឡាករល្អ បំផុតម្នាក់ទៀត។ លោកបានបន្តថា Cristiano បានទៅលេងនៅក្លឹបល្អបំផុតនៅលើពិភពលោក តែ Messi លេងតែ ក្នុងដី ដែលអ្វីៗគ្រប់យ៉ាងទាក់ទងទៅនឹងការលួងលោមពីម្ចាស់ទឹកដី ៕
