Sadio Mane បានធ្វើការអះអាងថា គាត់ចង់បញ្ចប់អាជីពនៅក្លិបហង្សក្រហម ។
កីឡាករសញ្ជាតិសេនីហ្គាល រូបនេះបច្ចុប្បន្នលេងបាន ៤រដូវកាល ជាមួយ ពហុកីឡដ្ឋាន Anfield បន្ទាប់ពីគាត់បានចុះហត្ថលេខា ជាមួយ ទឹកប្រាក់ ៣៤លានផោន ពី Southampton កាលពីឆ្នាំ ២០១៦ ។
ក្នុងនោះដែរ កីឡាកររូបនេះ ត្រូវបានក្លិបអធិរាជស ចង់បានដូចគ្នា ខណៈដែលកំពុងទទួលបានការចាប់អារម្មណ៍ក្រោមការដឹកនាំរបស់ Jurgen Klopp ។
ទោះបីជាយ៉ាងនេះក្តី កីឡាករអាយុ ២៧ឆ្នាំរូបនេះ ថាគាត់មិនចង់ទៅណានោះទេ ដោយចង់បញ្ចប់អាជីពនៅ Anfield ។
លោកបានថ្លែងប្រាប់ TV2 ថាមានក្លិបជាច្រើនចង់បាន តែលោកចង់តែនៅហង្សក្រហមតែមួយគត់។ លោកថាលោកនៅទីនេះ គឺរីករាយណាស់ ហើយសង្ឈឹមថានឹងនៅទីនេះជារៀងរហូត ដល់បញ្ចប់អាជីព៕
