កាសែតអង់គ្លេស The Sun នៅថ្ងៃព្រហស្បតិ៍ទី២៤ខែតុលានេះបានឲ្យដឹងថាក្លឹបមាន់ខ្នាយមាស Spurs បានបញ្ជូនក្រុមការងាររបស់ខ្លួនទៅទស្សនាការប្រកួតរបស់កីឡាករខ្សែប្រយុទ្ធប្រេស៊ីលEverton Soares ដែលជាកីឡាករគោលដៅរបស់ក្លឹ Arsenal ផងដែរនោះ។
កីឡាកររូបនេះកំពុងលេងឲ្យក្លឹបក្នុងស្រុក Gremio នៅក្នុងលីកនៃប្រទេសប្រេស៊ីល។តំណាងរបស់ក្លឹប Spurs គឺលោក Steve Hitchin គឺជាអ្នកដឹកនាំក្រុមការងារទៅទស្សនាការប្រកួតរបស់កីឡាកររូបនេះក្នុងការប្រកួតកន្លងទៅក្នុងព្រឹត្តិការណ៍ពានរង្វាន់ Copa Libertadores វគ្គពាក់កណ្តាលផ្តាច់ព្រ័ត្រជាមួយនឹងក្រុម Flamengo។
ក្លឹបដែលមានមូលដ្ឋានស្ថិតនៅក្នុងភាគខាងជើងទីក្រុងឡុងដ៍មួយនេះនៅតែបន្តធ្វើការងារតាមទាក់យកខ្សែប្រយុទ្ធបន្ថែមតាំងតែពីរដូវក្តៅមុនមកម្ល៉េះដោយសារតែមិនទាន់មានភាពជឿជាក់អំពីអនាគតរបស់ Christian Eriksen នៅឡើយជាក់ស្តែងដូចជា Paulo Dybala ជាដើមប៉ុន្តែបានត្រឹមបរាជ័យ៕
ប្រែសម្រួល:Lee
