បិសាចក្រហម Man United ហាក់បីដូចជាបានបង្ហាញឲ្យយើងឃើញកាន់តែច្បាស់ហើយថានឹងអាចុះកុងត្រាទិញបានខ្សែប្រយុទ្ធក្រូអាតវ័យចំណាស់ Mandzukic ពីក្លឹបយក្សអ៊ីតាលី Juventus ពិតមែនដោយក្នុងនោះព័ត៌មានចុងក្រោយបានអះអាងទៀតថាលោក Solkjaer នឹងត្រូវការខ្សែប្រយុទ្ធម្នាក់ក្រោយចុះហត្ថលេខាជាមួយនឹងខ្សែប្រយុទ្ធវ័យ៣៣ឆ្នាំរូបនេះរួចរាល់។
មានន័យថាក្នុងខែមករានេះលោក Solkjaer នឹងមិនបញ្ចប់ការនាំចូលកីឡាករខ្សែប្រយុទ្ធចំណូលថ្មីឡើយក្រោយជោគជ័យទិញបាន Mandzukic ដោយសារមើលឃើញថាតំបន់ប្រយុទ្ធនៅមានភាពខ្វះខាតខ្លាំងជាមួយនឹងខ្សែប្រយុទ្ធវ័យក្មេងទាំងពីរគឺ Rashford និង Greenwood។
ទោះបីជាមិនអាចបញ្ជាក់ថាកីឡាករខ្សែប្រយុទ្ធម្នាក់ទៀតជាអ្នកណាក្តីប៉ុន្តែប្រភពដដែលបានសរសេរទៀតថាក្រៅតែពីខ្សែប្រយុទ្ធរូបនេះលោកSolkjaer នឹងចាប់ផ្តើមស្ទាបស្ទង់និងចចារជាមួយនឹងខ្សែប្រយុទ្ធដូចជា Moussa Dembele របស់ក្លឹប Lyon កីឡាករ Jadon Sancho របស់ក្លឹប Dortmund និងកីឡាករកំពូលរបស់ក្លឹប RB LeipzigគឺTimo Wernerផងដែរ៕
ប្រែសម្រួល:Lee
