ក្លិបអធិរាជស Real Madrid បានដាក់ចេញនូវតម្លៃ ៣០លានផោន សម្រាប់ Dani Ceballos បន្ទាប់ពីក្លិប Arsenal បានរាយការណ៍ថាបានផ្តល់ប្រាក់ចំនួន ២៦ លានផោនសម្រាប់ខ្សែបម្រើរូបនេះ។
Ceballos ទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រហើយលោក Unai Emery ចង់រក្សាគាត់ឲ្យបន្តលេងនៅលើទឹកដីអង់គ្លេស រហូតបញ្ចប់រដូវកាលនេះ ។
កីឡាករខាងលើបាននិយាយថា“ ការទៅលេងនៅ Arsenal គឺជាជំហានដ៏សំខាន់មួយនៅក្នុងអាជីពរបស់ខ្ញុំ” ។ លោកថាមិនមានអារម្មណ៍សោក ស្តាយនោះទេ ដែលមិនបានលេងនៅលើទឹកដី Real Madrid ហើយកន្លែងដែលខ្ញុំចង់ ជាកន្លែងដែលធ្វើឲ្យខ្ញុំរីករាយ។ គំនិតរបស់ខ្ញុំគឺចេញ ក្រៅ ដោយបានលេង និងរីករាយជាមួយបាល់ទាត់ ។ កាលពី ២ឆ្នាំមុនខ្ញុំមិនបានធ្វើដូច្នោះទេ ។
គោលដៅរបស់ខ្ញុំគឺគ្រាន់តែធ្វើការដើម្បីបន្តធ្វើអ្វីដែលត្រឹមត្រូវ។ “ ខ្ញុំនៅសល់ពេល ៨ ខែទៀតនៅ Arsenal ខ្ញុំអាចអរគុណពួកគេចំពោះការជឿជាក់ មកលើរូបខ្ញុំ ។
លោកបានបន្តថា លោកពិតជារីករាយ នឹងអាចបន្តលេងនៅទីនេះ ក្នុងរយៈពេលដ៏វែង មួយទៀត ៕
