កីឡាករខ្សែការពារប៉ទុយហ្គាល់ Joao Cancelo មកដល់សប្តាហ៍នេះបានបង្ហាញខ្លួនឲ្យជម្រើស១១នាក់ដំបូងរបស់ក្លឹបបាន៣ប្រកួតជាប់គ្នាមកហើយហើយក៏កំពុងជឿជាក់ដែរថានឹងអាចនៅតែបន្តស្ថិតនៅក្នុងជម្រើសទី១របស់លោក Pep ដដែលក្នុងការប្រកួត Champion League ប៉ះនឹងក្រុម Atalanta។
គេជឿជាក់ថា Cancelo នឹងមិនបណ្តាលឲ្យឧិកាសនេះរបូតចេញពីដៃឡើយក្នុងការបង្ហាញខ្លួនជាជម្រើស១១នាក់ដំបូងរហូតរបស់ក្លឹបនោះហើយវានឹងក្លាយទៅជាដំណឹងដ៏អាក្រក់មួយសម្រាប់ខ្សែការពារអង់គ្លេស Kyle Walker ទៅវិញ។កន្លងមកគិតចាប់តាំងតែពីផ្លាស់មកពីក្លឹបJuventusកាលពីរដូវក្តៅមុនក្នុងតម្លៃខ្លួន៦០លានផោននោះរូបគេបានរងចាំឧិកាសនេះអស់ពេលមួយរយៈទៅហើយ។
Canceloវ័យ២៥ឆ្នាំរូបនេះបានបង្ហាញខ្លួនដំបូងឲ្យក្លឹប Man City តាំងតែពីពេលប្រកួតជាមួយនឹង Preston ក្នុងពានរង្វាន់ EFL Cup កាលពីចុងសប្តាហ៍មុនហើយនិងការប្រកួត៣ដងចុងក្រោយនេះផងក្នុងនាមជាកីឡាករជម្រើសទី១របស់លោក Pep៕
ប្រែសម្រួល:Lee
