យោងតាមរបាយការណ៍បានបញ្ជាក់ថា ក្លិបអធិរាជស Real Madrid កំពុងធ្វើការដាក់គោលដៅចុះហត្ថលេខា កីឡាករ Mbappe ទី២ ដែលជាកីឡាករវ័យក្មេងក្នងទឹកដីបារាំង កំពុងលេងឲ្យក្លិប Rennes គឺខ្សែប្រយុទ្ធ Eduardo Camavinga ។
យុវជនអាយុ ១៦ឆ្នាំរូបនេះ ត្រូវបានគេឃើញថា ជាកីឡាករវ័យក្មេងរបស់ បារាំងទី២ ហើយលោក ហ្ស៊ីដាន់ បានប្តេជ្ញាចិត្តថា នឹងមិនខកខាន ក្នុងការដាក់គោលដៅនាំយកមកកាន់ទឹកដីអេស្ប៉ាញ ។
ប្រភពព័ត៌មាន Dario Gol បានចុះថា ហ្ស៊ីដាន់ បានប្រាប់ទៅកាន់មេធំ របស់ Real លោក Florentino Perez ថានឹងនាំយកកីឡាករវ័យក្មេង រូបនេះចូលមក ។
គ្រូបង្វឹកអធិរាជស បានឲ្យគេដឹងថា នឹងនាំយក Camavinga ដើម្បីធានា មកលេងនៅលើទឹកដីអធិរាជស និង ចង់ធានារាល់សេវាកម្មលេង មុនក្លិបផ្សេងៗទៀតចង់បាន ។
កីឡាករ Camavinga បានកើតនៅ Angola នាខែវិច្ឆិកា ឆ្នាំ២០០២ ហើយគាត់បានលេងរាល់ការប្រកួតជាមួយ Rennes នារដូវកាលនេះ ។
គាត់លេងបាន តែ៩០នាទី ប៉ុណ្ណោះ សម្រាប់ ៥ប្រកួត នៅលើទឹកដី បារាំង ជាពិសេសបានជួយឲ្យក្លិបឈ្នះ 2-1 លើ Paris Saint-Germain និង បានបង្ហាញខ្លួនយកឈ្នះ Celtic ក្នុងពាន Europa League ផងដែរ ។
កីឡាករវ័យក្មេងរូបនេះ ក៏បានជាប់ឈ្មោះជាកីឡាករឆ្នើម ប្រចាំខែសីហា កន្លងទៅផងដែរ ។ គាត់មានសមត្ថភាពលេង ក្នុងតំបន់បម្រើកណ្តាល និង អាចលេងក្នុងតំបន់ប្រយុទ្ធដូចគ្នា ដែលជាទីតាំងមួយខុសពី Mbappe ប៉ុន្តែអ្នកតាមដានពិតជារំភើបចំពោះកីឡាករជំទង់របស់ បារាំងរូបនេះ ។
ប្រព័ន្ធផ្សព្វផ្សាយរបស់បារាំងមួយ បានធ្វើការព្យាករណ៍ថា Camavinga នឹងមានសមត្ថភាពកាន់តែប្រសើរជាង Lionel Messi ។
Rennes ត្រូវបានគេផ្សព្វផ្សាយថា អាចនឹងត្រូវការតម្លៃ ១៨លានផោន លើសេវាកម្ម និងតម្លៃខ្លួន កីឡាករវ័យក្មេងរបស់ខ្លួន ។ប៉ុន្តែតម្លៃនេះ ហាក់ដូច ជាមិនទាន់គ្រប់គ្រាន់ ដែលក្លិបចង់បាន ៕
កីឡាករ Eduardo Camavinga
