រ៉ូណាដូ ថាសល់មួយជំហានទៀត គាត់នឹងចូលរួមលេង​ជាមួយក្រុមកាំភ្លើងធំ មុនចូលរួមជាមួយបិសាចក្រហម​

Cristiano Ronaldo បានបង្ហើបថា នៅតែមួយជំហានទៀតប៉ុណ្ណោះ គាត់នឹងក្លាយជាកីឡាកររបស់ កាំភ្លើងធំ មុនពេលចូលរួមជាមួយក្រុមបិសាចក្រហម Manchester United ក្នុងឆ្នាំ ២០០៣ ។ នេះបើយោងតាម dailymail បានចុះផ្សាយនៅព្រឹកនេះ ។​

តារាបាល់ទាត់របស់ Juventus បានសារភាពថាគាត់បានចាកចេញមួយជំហានចេញពីក្រុមកាំភ្លើងធំ Arsenal និងបានកោតសរសើរចំពោះ លោក Arsene Wenger ។​
ខ្សែប្រយុទ្ធសញ្ជាតិព័រទុយហ្កាល់រូបនេះបានបង្ហើបថាការផ្លាស់ប្តូរទៅភាគខាងជើងទីក្រុងឡុងដ៍ជិតឈានដល់ទីបញ្ចប់ មុនពេលដែលសម្រេច​ទៅកាន់អូត្រាហ្វត ។​

ក្នុងបទសម្ភាសន៍ជាមួយ Piers Morgan for ITV កីឡាករ Ronaldo បានបើកចំហរ​ដោយទាត់ចោល ការផ្លាស់ទៅកាន់កាំភ្លើងធំ ។ លោកថា​ វាពិតណាស់ វាកៀកនឹងបញ្ចប់ទៅហើយ សល់តែមួយជំហាន វាជារឿងអស្ចារ្យ ពួកគេជាក្លិបដ៏អស្ចារ្យ ។វាមិនបានកើតឡើងទេប៉ុន្តែខ្ញុំពេញចិត្តចំពោះអ្វីដែលពួកគេបានធ្វើសម្រាប់ខ្ញុំជាពិសេសគឺលោក Arsene Wenger ។
អតីត​អ្នកចាត់ការទូទៅ របស់ក្លិបកាំភ្លើងធំ Wenger កន្លងទៅធ្លាប់បានលើកឡើងអំពីការបរាជ័យ និងខកខាន​ ការចុះហត្ថលេខា ទៅលើកីឡាករ CR7 ដូចគ្នា។
គួរបញ្ជាក់ផងដែរថា កីឡាករ CR7 ធ្លាប់បានបំបែកកំណត់ត្រាចំនួនជាបុគ្គលក្នុងអាជីពរបស់គាត់ចំនួន ១៤៥ ដង ៕