ពូឈីវ បង្ហាញអារម្មណ៍ភ្ញាក់ផ្អើលចំពោះអ្នកគាំទ្រផ្លាស់ប្តូរឥរិយាបថ ក្រោយចប់ការប្រកួតយប់មិញ

ភ្នំពេញ៖ កាន់តែប្លែកខុសពីរាល់ដង រាល់ចប់ការប្រកួតតែងតែមានសំរាមកកកុញពេញស្តាត ដែលធ្វើឲ្យយុវជនមួយចំនួន ក្នុងនោះមានពូឈីវ ផងដែរ បានព្យាយាមរើសសំរាម ប៉ុន្តែយប់មិញបែរជាខុសប្លែកទាំងស្រុង ។​

ឈ្មោះជាយុវជនសំរាម និង ជាអ្នកគាំទ្របាល់ទាត់ ត្រូវបានគេស្គាល់យ៉ាងច្បាស់ថា ពូឈីវ ។ ពូឈីវ បានសម្តែងអារម្មណ៍ នៅព្រឹកនេះ លើបណ្តាញទំនាក់ទំនងសង្គមហ្វេសប៊ុកថា ខ្ញុំគិតថាជាង 5ម៉ឺននាក់ប្រាកដជាសំរាមពង្រាយពេញហ្នឹងហើយ ចប់ការប្រកួតក៏មានពេលលេងទូរស័ព្ទ អរគុណខ្លាំងណាស់សម្រាប់ការផ្លាស់ប្តូរឥរិយាបថដ៏ល្អមួយនេះ។

ពូឈីវ ថា វាជារឿងនឹកស្មានថា បងប្អូនអ្នកគាំទ្រ​ ធ្វើបានដោយមិនពង្រាយសំរាម ដូចមុនៗ ដែលជា​ដំណើរមួយយ៉ាងត្រូវសរសើរពួកគាត់ នឹងសង្ឈឹមថា សកម្មភាពនេះ នឹងបន្តទៅមុខទៀត​ដើម្បីជួយអប់រំណែនាំគ្នា រឿងបរិស្ថាននេះ ព្រោះថាបរិស្ថានល្អ សុខភាពយើងក៏ល្អដូចគ្នា​៕