ក្លឹបអេស្បាញ Real Sociedad នៅថ្ងៃសៅរ៍នេះបានធ្វើការអះអាងជាផ្លូវការហើយអំពីការចុះហត្ថលេខាលើអតីតខ្សែការពារអន្តរជាតិអេស្បាញវ័យ ៣៣ ឆ្នាំ Nacho Monreal ពីក្លឹបកាំភ្លើងធំArsenal។
Monreal បានយល់ព្រមលើកិច្ចសន្យារយៈពេល ២ ឆ្នាំជាមួយក្រុមដែលមានមូលដ្ឋាននៅ San Sebastian ហើយការត្រលប់មក La Liga វិញលើកនេះបានធ្វើឡើងបន្ទាប់ពីបានចំណាយពេលនៅអង់គ្លេសអស់រយៈពេល ៦ ឆ្នាំមកហើយ។
Real Sociedad និង Arsenal បានឈានដល់កិច្ចព្រមព្រៀងផ្ទេរ Nacho Monreal ទៅReal Sociedadជាមួយនឹងកិច្ចព្រមព្រៀងជាមួយកីឡាកររហូតដល់ថ្ងៃទី ៣០ ខែមិថុនាឆ្នាំ ២០២១ ហើយបទបង្ហាញជាផ្លូវការនឹងធ្វើឡើងនៅថ្ងៃចន្ទសប្តាហ៍ក្រោយ៕
ប្រែសម្រួល:Lee
