មកដល់ពេលនេះកីឡាករ២រូបរបស់ក្លឹបកាំភ្លើងធំ Arsenal គឺ Ozil និង Kolasinac គឺនៅមិនទាន់រួចរាល់ឡើយគេចចេញពីការគម្រាមកំហែងនៃក្រុមបងធំដែលធ្លាប់បានព្យាយាមប្លន់ពួកគេកាលពីខែមុននោះ។
សន្តិសុខប្រចាំខ្លួនគឺត្រូវនៅចាំការពារកីឡាករទាំងពីររូបរហូតទៅដល់២៤ម៉ោងពេញតែម្តងហើយវាបានធ្វើឲ្យសូម្បីតែកីឡាករមិនអាចចូលរួមហ្វឹកហាត់បានផងនិងសូម្បីតែបង្ហាញខ្លួនប្រកួតដំបូងឲ្យក្លឹបផងកាលពីថ្ងៃម្សិលមិញនេះ។
តែការចេញផ្សាយមួយរបស់ The Sun នៃប្រទេសអង់គ្លេសបានសរសេរសថាកីឡាករទាំងពីររូបនេះជាពិសេសកីឡាករអាល្លឺម៉ង់ Ozil គឺនៅសល់ជម្រើសមួយទៀតដើម្បីគេចចេញពីអសន្តិសុខដែលទំនងជាមិនអាចបញ្ចប់បានភ្លាមនៅអង់គ្លេសនេះគឺការផ្លាស់ទៅលេងក្លឹបអាមេរិក DC United ដែលកំពុងបង្ហាញចំណាប់អារម្មណ៍ខ្លាំងជាមួយនឹងរូបគេនោះ៕
ប្រែសម្រួល:Lee
