Matthijs de Ligt បានលើកឡើងថាដោយសារតែការស្រលាញ់ពិភពបាល់ទាត់នៅអ៊ីតាលីតាំងពីតូច ដែលជាកត្តាសំខាន់ដែល ធ្វើឲ្យលោកសម្រេច ចិត្តទៅរួមរួមជាមួយក្រុម Juventus ហើយសុខចិត្តចាកចេញពី Ajax ។
កីឡាករអាយុ ១៩ឆាំរូបនេះ ទទួលបានការចាប់អារម្មណ៍ យ៉ាងខ្លាំងពីក្រុមធំនៅអឺរ៉ុប ក្នុងនោះមានក្រុម Barcelona ផងដែរ។
De Ligt បានថ្លែងប្រាប់ Ajax TV ថា វាជាការសម្រេចចិត្តមួយយ៉ាងលំបាក ដោយមានជម្រើសផ្សេងគ្នា តែត្រូវតែពនិត្យថាតើមួយណាល្អជាង ។
ខ្សែការពារកណ្តាលវ័យក្មេងនេះបានបន្តទៀតថា ភាគច្រើនកីឡាករសំណព្វចិត្តរបស់លោក ចេញពីទឹកដីអ៊ីតាលី ហើយខ្ញុំស្រាលាញ់នូវរបៀប ដែលជនជាតិអ៊ីតាលីគាំទ្រ ដូច្នោះហើយខ្ញុំក៏សម្រេចចិត្តដោយផ្អែកលើមូលដ្ឋាននេះ ។ លោកបន្តថា កីឡាករភាគច្រើនដែលលោកពេញចិត្ត ចេញពី នេះដូចជា Baresi, Maldini, Nesta, Scirea ហើយខ្ញុំក៏អាចបន្តវេននៅទីនេះដូចគ្នាដែរ ។
គួរបញ្ជាក់ផងដែរថា កីឡាករវ័យ ១៩ឆ្នាំខាងលើបាន ចុះកុងត្រាជាមួយម្ចាស់ជើងឯកលីកកំពូលអ៊ីតាលី រយៈពេល ៥ឆ្នាំ ក្នុងតម្លៃខ្លួន ៧៥លានអឺរ៉ូ កាលពីថ្ងៃទី១៨ ខែកក្កដា ៕
