ក្រុមមន្ត្រីសមាគមន៍បាល់ទាត់ពិភពលោកបាននិយាយកាលពីថ្ងៃពុធថាប្រទេសឈីលីបានបន្ថែមឈ្មោះរបស់ខ្លួនជាផ្លូវការទៅនឹងការដេញថ្លៃរួមគ្នាជាមួយនឹងអាមេរិចខាងត្បូងដើម្បីរៀបចំការប្រកួត World Cup ឆ្នាំ២០៣០។
ប្រធានាធិបតីឈីលីលោក Sebastian Pinera បានចុះហត្ថលេខាលើកិច្ចព្រមព្រៀងសហប្រតិបត្តិការជាមួយសមភាគីរបស់លោកពីប្រទេសអាហ្សង់ទីន អ៊ុយរូហ្គាយ និង ប៉ារ៉ាហ្គាយ អំឡុងជំនួបកំពូលលើកទី៥៤នៅ Santa Fe ប្រទេសអាហ្សង់ទីន។
ប្រទេសឈីលីបានប្រកាសពីបំណងរបស់ខ្លួនក្នុងការចូលរួមធ្វើជាម្ចាស់ផ្ទះជាមួយនឹងអាមេរិចខាងត្បូងនៅក្នុងខែកុម្ភៈខាងមុខនេះ។ប្រទេសបូលីវីក៏បានសម្តែងការចាប់អារម្មណ៍ក្នុងការចូលរួមនេះផងដែរនិងកំពុងរង់ចាំការឆ្លើយតបពីក្រុមប្រទេសទាំងនេះ៕
ប្រែសម្រួល:Lee
