ជាផ្លូវការហើយនៅថ្ងៃអង្គារនេះដែលក្លឹប Everton បានប្រកាសអំពីការចុះកុងត្រានាំយកកីឡាករខ្សែបម្រើអន្តរជាតិអង់គ្លេស Fabian Delph ពីក្លឹបជើងឯកអង់គ្លេស Man City ជាមួយនឹងកុងត្រារយៈពេល៣ឆ្នាំ។
កីឡាករ Delph រូបនេះមិនត្រឹមតែមានជំនាញចែកបាល់បានល្អនោះទេហើយក៏អាចដើរតួជាខ្សែការពារស្លាបឆ្វេងបានផងដែរ។Delph ក្រោយថ្ងៃចុះកុងត្រានេះភ្លាមត្រូវបានគេជឿជាក់ថានឹងត្រូវហោះទៅកាន់ប្រទេសស្វីសភ្លាមដើម្បីជួយក្លឹបក្នុងការប្រកួតមិត្តភាពបើករដូវកាលក្រោមការដឹកនាំរបស់លោក Marco Silva។
គួរឲ្យដឹងដែរថា Delph កើតនៅថ្ងៃទី២១ខែវិច្ឆិកាឆ្នាំ១៩៨៩សព្វថ្ងៃមានអាយុ២៩ឆ្នាំជាអតីតកីឡាករថ្នាលយុវជនរបស់ក្លឹប Bradford Cityនិងក្រោយមកផ្លាស់ទៅLeed Unitedក្នុងវ័យ១១ឆ្នាំនិងបានផ្លាស់ទៅលេងឲ្យAston Villaកាលពីឆ្នាំ២០០៩ផងដែរនិងបន្ទាប់មកបានចូលរួមជាមួយនឹងMan Cityកាលពីឆ្នាំ២០១៥ក្នុងតម្លៃ៨លានផោន៕
ប្រែសម្រួល:Lee
