ការប្រកាសជាផ្លូវការនៃកីឡាករខ្សែប្រយុទ្ធបារាំង Griezmann ក្នុងតម្លៃ១០៨លានផោនជាមួយនឹងកុងត្រារយៈពេល៥ឆ្នាំបានធ្វើឲ្យមានការប្រែប្រួលមួយចំនួននៅក្នុងតំបន់ប្រយុទ្ធរបស់ក្លឹបនារដូវកាលក្រោយ។
កីឡាករខ្សែប្រយុទ្ធរូបនេះនឹងបានត្រឹមពាក់អាវលេខ១៧ប៉ុណ្ណោះដោយសារតែលេខ៧បច្ចុប្បន្នកំពុងស្ថិតនៅជាមួយនឹងកីឡាករប្រេស៊ីល Coutinho។កីឡាករប្រេស៊ីលរូបនេះមានលេចឬព័ត៌មានជាច្រើនអំពីការចាកចេញប៉ុន្តែការបន្តពាក់អាវលេខ៧នេះមានន័យថានឹងមិនមានអ្វីប្រែប្រូលឡើយ។
តែទោះបីជាយ៉ាងណាអ្វីៗនឹងអាចប្រែប្រួលទៀតនៅមុនពេលទីផ្សារដោះដូរកីឡាករបិទនាថ្ងៃទី៨ខែសីហាខាងមុខដោយសារតែបញ្ហាកីឡាករ Neymar កាន់តែមានភាពល្អក់កករឡើងជាមួយនឹងក្លឹបហើយសង្ឃឹមថាអាចត្រឡប់មករួមក្លឹបវិញផងដែរដែលវានឹងក្លាយទៅជាសំពាធកាន់តែខ្លាំងចំពោះតំណែងរបស់Coutinhoជាមួយនឹងក្លឹប៕
ប្រែសម្រួល:Lee
