Manchester City បានចុះហត្ថលេខាជាមួយ Rodri ដែលជាកីឡាកររបស់ Atletico Madrid ជាផ្លូវការហើយ ដែលស្ថិតក្នុងខ្ទង់តម្លៃ ប្រមាណ ៦៣ លានផោន។
Atletico បានប្រកាសនៅថ្ងៃពុធ ឲ្យដឹងថា ខ្សែបម្រើរូបនេះ បានចាកចេញពីទឹកដី La Liga ហើយ ដោយកីឡាករសញ្ជាតិអេស្ប៉ាញនេះ បានកុងត្រា ៥ឆ្នាំ ជាមួយម្ចាស់ពានលីកកំពូលអង់គ្លេស។
កីឡាករអាយុ ២៣ឆ្នាំនេះ បានបង្ហាញខ្លួន ៤៧ ប្រកួតជូនលោក Diego Simeone ដោយធ្លាប់ជួយឲ្យក្លិបឈ្នះពាន UEFA Super Cup និង ឡើងមកាន់ម្ចាស់ជើងឯករង កាលពីរដូវកាលកន្លងទៅថ្មីៗ ៕
