លោក Paulo Futre បានសម្តែងនូវជំនឿទុកចិត្តថា កីឡាករ Bernardo Silva នឹងមានលទ្ធភាពលើកពាន Ballon d’Or នាថ្ងៃណាមួយ ។
សម្រាប់ Silva បានជួយឲ្យមេខៀវឈ្នះ Premier League, FA Cup, League Cup និង FA Community Shield មុននឹងគាត់បានដណ្តើមពាន រង្វាន់ UEFA Nations League ជូនប្រទេសរបស់លោក។
អតីតកីឡាករជម្រើសជាតិរបស់ព័រទុហ្កាលអាយុ ៥៣ឆ្នាំ បានប្រាប់ Omnisport ថា ខ្ញុំគិតថា Bernardo Silva នឹងក្លាយជាតារាបាល់ទាត់បន្ទាប់ ហើយគាត់នឹងនៅទីនេះ នៅពេលដែល Ronaldo និង Messi ផុតឱកាស ហើយ Silva នឹងទទួលបានឱកាសដណ្តើមយកពាន Ballon d’Or ។
លោកបានបន្តសរសើរថា Bernardo ជាកីឡាករដែលមានទំនួសខុសត្រូវមួយនៅក្លិប Man City បើសិនជាគាត់រក្សាការរីកចំរើន ក្នុងរយៈពេល ២ទៅ ៣ឆ្នាំទៀត គាត់នឹងក្លាយជាកីលាករដ៏អស្ចារ្យ ឈ្នះ Ballon d’Or នៅពេលដែលកីឡាករ Messi និង Cristiano ចូលនិវត្តន៍។
