កីឡាករខ្សែការពារស្លាបឆ្វេងរបស់ប្រេស៊ីល Fillipe Luis បាននិយាយកាលពីថ្ងៃអង្គារម្សិលមិញថារូបគេនឹងប្រកាសអំពីអនាគតរបស់ខ្លួនជាមួយនឹងក្លឹបAtletico Madrid នៅក្រោយបញ្ចប់ព្រឹត្តិការណ៍ Copa America ជាមួយនឹងជម្រើសជាតិជាមុនសិន។
កុងត្រាកីឡាកររូបនេះជាមួយនឹងក្លឹប Atletico Madrid របស់ Luis នឹងត្រូវបញ្ចប់ទៅនាថ្ងៃទី៣០ខែមិថុនាខាងមុខប៉ុន្តែកីឡាករដែលបានលេចឬព័ត៌មានថានឹងអាចផ្លាស់ទៅBarcelonaឬFlamengoរូបនេះនឹងមិនធ្វើការបញ្ជាក់ច្បាស់ឡើយរហូតដល់ជួយជម្រើសជាតិចប់រួចរាល់សិន។
Luisវ័យ៣៣ឆ្នាំដែលជួយក្លឹបអស់រយៈពេល៩រដូវកាលមកហើយនោះបានបញ្ជាក់ថាទៀតថាក្លឹបAtletico Madrid បានទុកទាំងជម្រើសបន្តលេងជាមួយនឹងក្លឹបនិងជម្រើសដើម្បីចាកចេញឲ្យខ្លួនរួចជាស្រេចតាំងពីខែឧសភាមកម្ល៉េះ៕
ប្រែសម្រួល:Lee
