មកដល់សប្តាហ៍នេះកីឡាករខ្សែបម្រើថ្លៃបំផុតលើលោកបារាំង Paul Pogba និងព័ត៌មាននៃការផ្លាស់ទៅលេងអេស្បាញគឺនៅតែបន្តកើតឡើងដដែលខណៈដែលកីឡាករផ្ទាល់ត្រូវបានគេជឿជាក់ដែរថាចង់លេងឲ្យលោកគ្រូបង្វឹកសញ្ជាតិបារាំងដូចគ្នា Zidine Zidane ផងដែរនោះ។
បិសាចក្រហម Man United នឹងមិនមានសល់ជំរើសច្រើនក្រៅតែពីអនុញ្ញាតិឲ្យកីឡាកររូបនេះចាកចេញនោះទេហើយបានត្រឹមតែនឹងត្រូវធ្វើការដើម្បីស្វែងរកកីឡាករថ្មីមកជំនួសតំណែងរបស់ Pogba តែប៉ុណ្ណោះនៅក្រោយការចាកចេញរបស់គេ។
គេជឿជាក់ថាប្រធានក្លឹបលោក Ed Woodward បានកំពុងស្វែងរកគោលដៅនេះហើយទាំងដែលមិនទាន់ច្បាស់ថានឹងអាចលក់Pogbaចេញបានក្នុងតម្លៃណាមួយនៅឡើយក្នុងនោះកីឡាករដែលអាចជំនួសតំណែងរបស់គេបានដែលកំពុងស្ថិតនៅក្នុងរ៉ាដាស្រាប់នោះគឺមានដូចជា Eriksen របស់ Spurs និងកីឡាករប៉ទុយហ្គាល់ Youri Tielemans របស់ Leicester City ជាដើមផង៕
ប្រែសម្រួល:Lee
