Man Utd កំពុងចាប់អារម្មណ៍យ៉ាងខ្លាំង ទៅលើកីឡាករ Real Madrid គឺអ្នកចាំទី Keylor Navas ។
កីឡាករអាយុ ៣២ឆ្នាំរូបនេះ ត្រូវបានស្ថិតក្នុងបញ្ជីចរចារដោយការដោះដូរ រវាង David De Gea កាលពី ៤ឆ្នាំមុន ក្នុងទីផ្សារផ្ទេរ កីឡាករ ។
កីឡាករសញ្ជាតិកូស្តារីកា បានដាក់ផែនការចាកចេញពីពហុកីឡដ្ឋាន Bernabeu ក្រោយការចូលរួមលេងរបស់ Thibaut Courtois កាលពីរដូវកាលក្តៅមុន ។
នៅក្នុងក្របខណ្ឌ La Liga រដូវកាល 2018 -2019 បានបង្ហាញខ្លួនលេង តែ ១០លើកតែប៉ុណ្ណោះ ក្រោយបាត់បង់ឱកាសបង្ហាញខ្លួន លេង១១នាក់ ដំបូង។
ប្រភពព័ត៌មាន AS បានចុះផ្សាយថា គ្រូបង្វឹក Ole Gunnar Solskjaer កំពុងសំឡឹងមើលអ្នកចាំទី និងជាកឡាករជើងឯក៣សម័យកាលជួយ ឲ្យក្លិបឈ្នះពាន Champions League ៣រដូវកាលជាប់ៗគ្នា។
សម្រាប់ De Gea កុងត្រាជាមួយក្លិបនៅសល់រយៈពេល ១ឆ្នាំទៀតប៉ុណ្ណោះ ហើយកំពុងស្រមៃជំនួសតំណែងរបស់ Gianluigi Buffon នៅទឹកដី Parc des Princes របស់បារាំង។
កីឡាករអ្នកចាំទីល្អក្រោមក្រសែភ្នែកអ្នកគាំទ្រ អាចនឹងត្រូវលក់ចេញ ក្នុងករណីដែលការចរចារជាមួយក្លិបបិសាចក្រហមលើកុងត្រាថ្មីបន្តបរាជ័យ ។
ទន្ទឹមជាមួយគ្នានេះដែរ របាយការណ៍មួយថ្មីថា Real បានធ្វើការស្នើសុំ ទៅកាន់ Man Utd ដោយផ្តល់ជូន Navas, Gareth Bale និង James Rodriguez សម្រាប់ការដោះដូរយក Paul Pogba ។
