កក្រើកទៀតហើយ! ប្រតិបត្តិការក្ដៅបង្រ្កាបក្លឹបកម្សាន្តលុច្សសារី ឃាត់ខ្លួនជនសង្ស័យរាប់រយនាក់ពាក់ព័នគ្រឿងញៀន

ភ្នំពេញ៖ ស្នងការនគរបាលរាជធានីភ្នំពេញដឹកនាំដោយ ឧត្តមសេនីយ៍ ឯក ស ថេត ដោយមានការសម្របសម្រួល ពីព្រះរាជអាជ្ញារង អមសាលាដំបូងរាជធានីភ្នំពេញ រួមជាមួយសមត្ថកិច្ចមូលដ្ឋាន បានបើកប្រតិបត្តិការទ្រង់ទ្រាយធំ ចុះបង្រ្កាបកន្លែងកម្សាន្តលុច្សសារី (Luxurious) បានរកឃើញសារធាតុញៀនមួយចំនួន និងឃាត់ខ្លួនជនសង្ស័យបានរាប់រយនាក់ នាវេលាម៉ោង២រំលងអាធ្រាត្រឈានចូលថ្ងៃទី៨ ខែមិថុនា ឆ្នាំ២០១៩ ក្នុងមូលដ្ឋានខណ្ឌដូនពេញ។
ស្នងការដ្ឋាននគរបាលរាជធានីភ្នំពេញ បានឲ្យដឹងថា “បន្ទាប់ពីត្រួតពិនិត្យក្លិបនេះ បានរកឃើញសារធាតុញៀនមួយចំនួន ចំណែកមនុស្សរាប់រយនាក់ ត្រូវបានឃាត់ខ្លួនបញ្ជូនទៅស្នងការដ្ឋាន នគរបាលរាជធានីភ្នំពេញ”៕