ខ្សែការពាររបស់ Spurs កីឡាករ Jan Vertonghen បានលើកឡើងថាវាជារឿងឆ្កួតឡប់ ដែលឃើញអតីតក្លិបរបស់ខ្លួន Ajax ឡើងមកកាន់ វគ្គ៤ក្រុមចុងក្រោយនៃពានរង្វាន់ យូឆ្វាឆាមពានលីក។
ក្រុមយក្សរបស់ហុល្លង់ កំពុងស្ថិតនៅក្នុងការប្រកួតប្រជែង ក្នុងពានរង្វាន់អឺរ៉ុប ដោយធ្វើរឿងភ្ញាក់ផ្អើលទម្លាក់ក្លិប Real Madrid និង Juventus ។
Jan Vertonghen បានចាប់ផ្តើមអាជីពរបស់ខ្លួនជាលើកដំបូង នៅទីក្រុងអាំស្ទឺដាំ មុនពេលផ្លាស់មក Spurs នៅឆ្នាំ ២០១២ ។
ខ្សែការពារជើងខ្លាំងរូបនេះ បាននិយាយថា ការប្រកួតប្រជែងជាមួយ Ajax គ្មានរឿងអីត្រូវភ្ញាក់ផ្អើលនោះទេ ព្រោះថាគាត់បានត្រៀមខ្លួន រួចរាល់ហើយ ដើម្បីជួប។ លោកបានប្រាប់បណ្តាញព័ត៌មានចក្រភពអង់គ្លេស ថា វាជារឿងឆ្កួតណាស់ ដែលពួកគេស្ថិតនៅទីនេះ ។ លោកថា លោកបានតាមដានគ្រប់ការប្រកួតរបស់ Ajax ហើយលោកថាលោកដឹងថាពួកគេល្អស្ថិតក្នុងកម្រិតណា ។
កីឡាករអាយុ ៣១ឆ្នាំរូបនេះបានបន្តទៀតថា ក្នុងការចាប់ផ្តើមដំបូងនៅក្របខណ្ឌយូហ្វាឆាមពានលីក ពួកគេធ្វើឲ្យគ្រប់គ្នាភ្ញាក់ផ្អើល ប៉ុន្តែឥលូវនេះ វាមិនមែនជារឿងភ្ញាក់ផ្អើលនោះទេ ពួកគេមានសមត្ថភាពត្រឹមវគ្គពាក់កណ្តាលផ្តាច់ព្រ័ត្រ តែលោកយល់ថាវានឹងក្លាយជាសមរភូមិក្តៅដែរ រវាងក្លិបទាំងពីរ ។
Tottenham នឹងទទួល Ajax សម្រាប់ជើងទី១ នៅថ្ងៃទី៣០ ខែមេសា៕
