ខ្សែបម្រើក្លិបមេឃខៀវ Bernardo Silva បានយល់ព្រមបន្តកុងត្រាថ្មីជាមួយក្លិប រហូតដល់ឆ្នាំ ២០២៥ ។ នេះបើតាមសេចក្តីប្រកាសរបស់ ម្ចាស់ការពារតំណែងជើងឯកលីគកំពូលអង់គ្លេស ។
Silva បានចូលរួមលេងជាមួយ Man City ក្នុងតម្លៃខ្លួន ៤៣.៥ លានផោន កាលពីឆ្នាំ ២០១៧ ក្រោយការចាកចេញពីក្លិប Monaco ហើយក៏ជាកីឡាករកំពុងចូលរួមជួយយ៉ាងសកម្មក្នុងការប្រកួតដណ្តើមពាន យូហ្វាឆាមពានលីគ ផងដែរ ។
Silva បាននិយាយថា វាជាកិត្តិយសខ្លាំងណាស់ ដែលបានបន្តកុងត្រាថ្មីជាមួយក្លិប ក៏ព្រោះតែមហិច្ឆិតាក្លិបធំ ដូច្នេះខ្ញុំចង់បន្តនៅទីនេះ ខ្ញុំស្រលាញ់ ក្លិប និងគ្រូបង្វឹក ។ លោកបន្តថា របៀបលេងបាល់នៅទីនេះ គឺខ្ញុំសប្បាយរីករាយ ហើយខ្ញុំមានបំណងប្រាថ្នាចង់ឈ្នះពានច្រើននៅទីនេះ ដោយ Man City ផ្តល់ឱកាសឲ្យខ្ញុំច្រើន ដូច្នេះខ្ញុំត្រូវតែតបស្នងវិញ៕
