Sergio Aguero បានប្រាប់ទៅកាន់ក្លិប Man City ថា ចូលសិក្សាពីមេរៀន ដែល PSG ធ្លាក់ចេញពី Champions League គួរឲ្យភ្ញាក់ផ្អើលក្រោមស្នាដៃ Man Utd ។
Man City បាននាំមុខ ដោយយកឈ្នះ Schalke ក្នុងវគ្គ១៦ក្រុមចុងក្រោយ របស់ពួកគេក្នុងជើងទី១ ដោយលទ្ធផល 3-2 ដែលធ្វើបានល្អដោយខ្សែប្រយុទ្ធ Leroy Sane និង Raheem Sterling ។
Pep Guardiola ចាំបាច់ត្រូវបំពេញការងារ ស្វាគមន៍ Schalke នាថ្ងៃអង្គារសប្តាហ៍ក្រោយនេះ ។
Aguero បានប្រាប់ ESPN ថា ចូលក្រឡេកមើលលទ្ធផល នាពេលបច្ចុប្បន្ន យើងត្រូវតែយកចិត្តទុកដាក់ ។ យើងបានឃើញភាពប្លែកហើយ ដែលកើតឡើងនៅសប្តាហ៍នេះ ដែលជួយឲ្យយើងផ្តោត ទៅលើការប្រកួតរបស់យើង ក្នុងសប្តាហ៍នេះ ក្នុងទឹកដីរបស់យើង។
កីឡាករខាងលើបានបន្តថា នៅទីនេះមិនរំពឹងទុកច្រើននោះទេ PSG នាំមុខដ៏ល្អ នៅជើងទី១ បន្ទាប់មក Man Utd ធ្វើបានល្អវិញ ។
ពានយូយ្វាឆាមពានលីក ជារឿងលំបាក គ្រប់ក្រុមសុទ្ធតែល្អ នៅក្នុងការប្រកួតពានកំពូលក្នុងលីក អ្នកអាចអនុញ្ញាតិខ្លួនឯង ឲ្យមានកំហុសខ្លះ ប៉ុន្តែពានអឺរ៉ុបនោះ អ្នកមិនអាចទេ ៕
