នួន ភិរម្យ បាក់ស្មងជើងក្នុងគ្រោះថ្នាក់ចរាចរណ៍តម្រូវ​ដេកកន្ទេលពី ៦ខែ ទៅ​១ឆ្នាំ​

ភ្នំពេញ៖ អតីតអ្នកប្រដាល់គុនខ្មែរជំនាន់ឆ្នាំ ៩០ លោក នួន ភិរម្យ ប្រឈមនឹងការដេកលើកន្ទេលពី ៦ខែ ទៅ​១ឆ្នាំ ក្រោយមានបញ្ហារបួស​បាក់ស្មង ជើង​ផ្នែកខាងស្តាំ ដេរជាច្រើនថ្នេរ និងដាក់ដែកជំនួសវិញ ដែល​ធ្វើឲ្យលោកនឹងអវត្តមាន​ធ្វើជា​អាជ្ញាកណ្តាលសម្រាប់កម្មវិធីប្រដាល់ផ្សេងៗ ​។​

ក្នុងបទសម្ភាសន៍ជាមួយ OBN Asia នាព្រឹកនេះ​នួន ភិរម្យ បានប្រាប់ថា លោកបានជួបបញ្ហារបួស​បាក់ស្មងជើងនេះ ដោយសារគ្រោះថ្នាក់ចរាចរណ៍ ដោយខ្លួនឯង ក្រោយចាកចេញពីទឹកដី 7NG អំឡុងពេលទៅធ្វើអាជ្ញាកណ្តាល និងគណកម្មាធិការ ក្នុងកម្មវិធី National Game 2018 កាលពីថ្ងៃទី ១២ ខែធ្នូ ថ្មីៗនេះឯង ។

ខ្លាចាស់គំរាមទីក្រុង​រូបនេះបានបន្តថា គ្រោះថ្នាក់នេះគឺលោកមានបញ្ហាស្រពិចស្រពិលផ្លូវ ត្រង់ផ្លូវស្ពានតូចមួយត្រង់ព្រែកហ្លូង ក៏បន្ថែមល្បឿន​ដោយស្មានតែផ្លូវ ក៏បុកចំបង្កាន់ដៃស្ពានបណ្តាលឲ្យបាក់ស្មងជើង ហើយម៉ូតូខ្ទេចតែម្តង ។ លោកថា តាមពិតខាងសហព័ន្ធគេមិនឲ្យយើងមកទេ អំឡុងពេលម៉ោង ៩យប់ ប៉ុន្តែខ្ញុំសូមគេមកដោយខ្លួន​ឯង ។​

គ្រូប្រដាល់​ក្លិបភារម្យគុនខ្មែរ រូបនេះបានបន្តថា បញ្ហានេះ នឹងធ្វើឲ្យលោកដេកកន្ទេលពី ៦ខែ ទៅ ១ឆ្នាំ ហើយ​សូមអរគុណដល់សហព័ន្ធប្រដាល់ ឯកឧត្តមតែម ម៉ឺន លោក ឧកញ៉ា ស្រី ចាន់ថន និង សប្បុរសជនជាច្រើនទៀត ដែលបានចូលរួមជួយជ្រុំជ្រែង លើថ្លៃសេវាព្យាបាលរបស់លោក ៕

ចុចចុះឈ្មោះ Free នៅទីនេះលេង​ជាមួយ Win2888 ជាមួយការភ្នាល់បាល់ដ៏សំបូរបែប ដោយលេងចាប់ពី ១ដុល្លារឡើងទៅ

ស្តាប់បទសម្ភាសន៍ រវាង OBN Asia ជាមួយ អតីតកីឡាករ នួន ភិរម្យ ដូចខាងក្រោមនេះ៖
https://www.youtube.com/watch?v=2v-Szm3wbbo&feature=youtu.be