ក្រោយបង្ហោះសុំសងសឹកទៅលើកីឡាករ អ៊ុយ ក្រែន ក៏ស្រាប់តែមានការរិះគន់ទៅលើ កែវ រំចង់ ដែលធ្វើឲ្យសាមីខ្លួនទ្រាំមិនបានចេញមុខ បកស្រាយ រកខុសត្រូវ។
គណនីហ្វេសប៊ុកឈ្មោះ Sarath Sun ឃើញកែវ រំចង់គាត់ប្រកាសសុំសងសឹកជាមួយកីឡាករអ៊ុយក្រែនដែលវាយគាត់សន្លប់លើសង្វៀនថៃហ្វៃថ្ងៃមុន។
ខ្ញុំគិតថាកុំអីល្អជាង ព្រោះចាញ់សន្លប់ថ្ងៃមុនមិនមែនចាញ់ដោយភ្លាត់ស្នៀតទេ គឺសមត្ថភាពយើងទៅមិនរួចតែម្ដង ព្រោះថាកាលនោះរយៈពេល 2ទឹក រំចង់វាយគេមិនចូលតែម្ដង ហើយ 2ទឹកនោះរាប់ទាំង2ទឹកទៅទៀតនិយាយនេះមិនមែនមើលស្រាលសមត្ថភាពគាត់ទេ តែការប្រកួតជាក់ស្ដែងគឺបង្ហាញយ៉ាងច្បាស់ ហើយកីឡាករអ៊ុយក្រែនម្នាក់នេះគេជាអ្នកប្រដាល់អាជីពនៅថៃ មិនមែនដូចកីឡាករដែលរំចង់ធ្លាប់ជួបនៅសង្វៀនបាយ័នទេ។
មកដល់ពេលនេះ វ័យនេះ ទោះរំចង់លួចទៅសំងំហាត់នៅភ្នំថៃសានទៀត ក៏លែងឡើង លែងទៅមុខដែរ តែរំចង់គួរតែសុំសងសឹកកីឡាករថៃដែលវាយរំចង់ឱ្យសន្លប់លើសង្វៀនបាយ័នវិញប្រសើរជាង សុំសងសឹកមិនមានអីខុសទេ តែសមត្ថភាពរំចង់អត់មានអីឡើងលើសនេះទេ មានតែចុះ បើទៅម្ដងទៀតខ្លាចក្រែងតែសន្លប់បាក់មុខប្រដាល់ខ្មែរម្ដងទៀតទេហើយនិយាយត្រង់ ឃើញរំចង់លើសង្វៀនថៃហ្វៃថ្ងៃមុនក្នុងនាមជាខ្មែរមានអារម្មណ៍ថាខ្មាស់បរទេសណាស់ដែលកីឡាករ Super Star តំណាងប្រទេសមួយទាំងមួលមានពោះទឹកដូចទាចទឹក? សង្ឃឹមថាហ្វេនផ្កាប់ឆ្នាំងមិនខឹងសប្បារទៅចុស ។
ជាមួយសំណេរនេះបានធ្វើឲ្យ អ្នកប្រដាល់កែវ រំចង់ ប្រតិកម្មតបវិញថា «លោកនិយាយនេះ មានសួរខ្ញុំអត់ ថាអាការសម្រកគីឡូនេះវាពិបាក ប៉ុនណា ។ លោកនិយាយចេះតែបានហើយ តែអាអ្នកធ្វើ ទើបពិបាក . ពេលប្រកួតឈ្នះ យាយពីរ សរសើរ នៅពេលចាញ់វិញ ជាន់ថែម ហ្នឹងហើយ ខ្មែរជួយខ្មែរមែន ។ ខ្ញុំថាអ្នក លេងភ្នាល់លុយហើយមើលទៅ . កីឡាប្រដាល់ គឺត្រូវមានការសងសឹងច្ចឹងហើយ មិនមែន ប្រកួតតែ១ដងហ្នឹង ចប់ទេ ត្រូវយល់ផង បើមិនយល់ទេ អាចសួ គ្រូៗបាន ។
លោកបន្តថា យើងជាខ្មែរដូចគ្នា មិនត្រូវ និយាយស្អី អោយគ្នាបាក់ទេកចិត្តនោះទេ យើងត្រូវ និយាយអី អោយគ្នាមានទឹកចិត្ត ហាត់ នឹង ប្រកួត មិនមែន ចេញមក ស្តីអោយច្ចឹងទេ ។
កីឡាប្រដាល់ មាន ចាញ់ នឹង ឈ្នះ ជារឿងធម្មតា របស់អ្នកប្រដាល់។ ចេញមក សុទ្ធតែ និយាយថាខ្មាស បរទេស ចុះអ្នកឯង មិនលើកចិត្តគ្នា ហាត់ នឹង ប្រកួតផង អោយគ្នាមានកំលាំងឯណាទៅ ប្រកួត ខ្ញុំសួអ្នកសិន ។ អាហ្នឹងហើយ គេហៅថា បំបាក់ទឹកចិត្តខ្មែរគ្នាឯង ។ សូមពិចារណ ឡើងវិញ មុនហ្នឹងសរសេរណា ។ជួយសែរផង បងប្អូន តើគាត់និយាយ ខុសរឺត្រូវ ? អរគុណ?។»
