Alex Sandro ចង់ចូលរួមលេងក្នុងក្របខណ្ឌ Premier League ប៉ុន្តែនៅតែរងចាំក្លិបដែលមានសក្តានុពល ដើម្បីផ្តល់សេវាជូនគាត់ តែប៉ុណ្ណោះ ។
តោខៀវ និងមេឃខៀវ សុទ្ធជាក្លិបកំពុងផ្សារភ្ជាប់ ដើម្បីធ្វើការដេញថ្លៃ លើកីឡាកររបស់ Juventus រូបនេះ ក្នុងទីផ្សារដោះដូរនាខែមករា ខាងមុខ ។
បច្ចុប្បន្នកឡាករអាយុ ២៧ឆ្នាំរូបនេះកំពងុស្ថិតនៅក្នុងប្រទេសអង់គ្លេស ក្នុងការប្រកួតមិត្តភាពជូនប្រេស៊ីល ជាមួយកាមេរ៉ូន ដែលធ្វើឡើងនៅ Milton Keynes ។ កីឡាករខ្សែការពារនេះ បានប្រាប់ថា បច្ចុប្បន្នរីករាយលេងនៅ Juventus ។
Sandro បាននិយាយថា នៅថ្ងៃណាមួយដែលខ្ញុំដឹងថាអ្វីកើតឡើង ខ្ញុំមានបំណងប្រាថ្នាចង់មកលេងនៅលើទឹកដីអង់គ្លេស ប៉ុន្តែពេលនេះខ្ញុំរីករាយ ជាមួយក្លិបដែលខ្ញុំកំពុងលេង ហើយនឹងបន្តនូវអ្វីដែលកំពុងមាននៅពេលបច្ចុប្បន្ន។
Sandro បានចូលរួមលេងជាមួយក្លិប សេះបង្កង់ Juventus បន្ទាប់ពីចាកចេញពី Porto ក្នុងឆ្នាំ ២០១៥ ហើយជួយឲ្យក្លិបឈ្នះពាន Serie A ចំនួន ៣ដង និង Coppa Italia ចំនួន ពីរដង ក្រោមការដឹកនាំរបស់លោក Massimiliano Allegri ៕
