លោក Maurizio Sarri បានធ្វើការច្រានចោលចំពោះការអះអាងរបស់អតីតប្រធានក្លិប Real Madrid លោក Ramon Calderon ដែលបានលើកឡើងថា Eden Hazard ត្រូវបានតោខៀវរក្សាទុកមិនលក់ចេញ ដោយសង្ឈឹមថា អាចនឹងឈ្នះពាន Ballon d’Or ប្រសិនបើគាត់បន្តនៅ Stamford Bridge ។
Hazard ត្រូវបានផ្សារភ្ជាប់យ៉ាងខ្លាំងជាមួយការផ្លាស់ប្តូរ ទៅកាន់រដ្ឋធានីអេស្ប៉ាញ ក្រោយបង្ហាញវត្តមានលេងនៅ World Cup។លោក Calderon បានលើកឡើងថា Chelsea កំពុងបដិសេធមិនឱ្យ Hazard មានឱកាសលេងនៅក្លឹបមួយក្នុងចំនោមក្រុមកំពូល ៗ របស់ទ្វីបអឺរ៉ុបប៉ុន្តែ Sarri ជឿជាក់ថាប្រធានក្រុមបែលហ្ស៊ិកអាចទទួលបានអ្វីគ្រប់យ៉ាងដែលគាត់ចង់បាននៅទីក្រុងឡុង។
ក្នុងសន្និសីទសារព័ត៌មាន មួយនៅពេលដែលនិយាយពីលោក Ramon Calderon លោក Sarri បានលើកឡើងថា ខ្ញុំមិនដឹងថាត្រូវនិយាយអ្វីនោះទេ ព្រោះថាក្នុងរយៈពេលបីខែក្រោយនេះ គាត់ពិតជាសប្បាយរីករាយណាស់ ដូច្នេះខ្ញុំមិនគិតដូច្នោះទេ ។ខ្ញុំគិតថាគាត់អាចឈ្នះគ្រប់យ៉ាងរួមទាំង Ballon d’Or នៅទីនេះដោយមិនចាំបាច់លេងនៅអេស្ប៉ាញ ។
ជាឧទាហរណ៍សម្រាប់ តោខៀវអាចឈ្នះពាន Champions League ហើយកីឡាករបែលហ្សិកនេះក៏អាចឈ្នះជើងឯកអឺរ៉ុបដូចគ្នា។គ្រូបង្វឹកតោខៀវរូបនេះបានបន្តគិតថា ខ្ញុំមិនគិតអំពីទីផ្សារដោះដូរនោះទេ អំឡុងពេលនេះ តែខ្ញុំផ្តោតទៅលើក្រុម និងកីឡាកររបស់ខ្ញុំប៉ុណ្ណោះ។
