ការលក់នំ មានឈ្មោះថា «Ronaldo Cookies» ដែលមានរូបរាងដូចមនុស្សរួមសង្វាស់ នៅក្នុងហាងកាហ្វេមួយនៅចក្រភពអង់គ្លេស ត្រូវបានគេថ្កោទោសយ៉ាងខ្លាំង ហើយសុំឲ្យម្ចាស់ហាងនោះចេញមុខសុំទោស។
ជាមួយរូបភាពនំដ៏ស្រើបស្រាលនេះ អ្នកលេងអនឡាញជាច្រើនបានបញ្ចេញនូវទស្សនៈបែបកំហឹងជាច្រើន ដោយបានខម្មិនថា នេះវាមិនមែនជារឿង កំប្លែងនោះទេដែលទាក់ទងបញ្ហារំលោភ ហើយជឿជាក់ថាអ្នកទាំងអស់គ្នាមិនទៅរកនំប្រភេទនេះនោះទេ ហើយសង្ឈឹមថា ម្ចាស់ហាងនឹងបញ្ឈប់ការលក់នំនេះជាបន្ទាន់។
ម្ចាស់ហាងនំ Our Taste of Portugal លោក Jose Goncalves បាននិយាយថា នំនេះបានលក់ចេញកាលពីថ្ងៃច័ន្ទ ហើយក៏គ្មានអតិថិជន ដែលបានជាវនំនេះត្អួញត្អែរពីរូបភាពដែលបានធ្វើចេញនោះដែរ។ ម្ចាស់ហាងនេះបានបន្តថា Ronaldo គ្មានកំហុសទាំងស្រុង លើការចោទប្រកាន់ នោះដែរ ។ខ្ញុំស្រលាញ់ Ronaldo ខ្ញុំតែងតែការពារគាត់និងជឿជាក់លើគាត់។
មុនពេលដែលទទួលរងនូវការវាយប្រហារលើអនឡាញ បុរសព័រទុហ្កាល ដែលជាម្ចាស់ហាង បាននិយាយថា គំនិតរបស់យើងគឺបង្កើតនំ ៣០ប្រភេទ នៅទីនេះដើម្បីឲ្យអតិថិជនទទួលបានអារម្មណ៍រីករាយ តែខ្ញុំសូមទោសដែលធ្វើឲ្យមនុស្សមួយចំនួនមិនសប្បាយចិត្ត ហើយសូមអភ័យទោស ដល់មនុស្សគ្រប់រូប៕
