សារព័ត៌មានអេស្ប៉ាញបានចុះផ្សាយថា កីឡាករបាល់ទាត់ប្រេស៊ីល Neymar កំពុងនឹកពីជីវិតដែលធ្លាប់រួមរស់ជាមួយ Nou Camp ហើយបើមានលទ្ធភាពគាត់នឹងផ្លាស់ពី Lique 1 មកវិញ ។
ប្រភពបន្តថា Neymar ចង់វិលមកវិញ ក្រោយទៅដល់ទឹកដីបារាំងបានមួយរដូវកាល ។ តាមរបាយការណ៍ដែលចេញផ្សាយនោះ បានបន្តថា កីឡាករអាយុ ២៦ឆ្នាំកំពុងមានការចាប់អារម្មណ៍ខ្លាំង ដើម្បីចរចារ ទៅកាន់Nou Camp នាចុងបញ្ចប់រដូវកាលនេះ។
Titles AS និង Mundo Deportivo បានបង្ហាញថា Neymar កំពុងនឹកជីវិតដែលធ្លាប់រស់នៅជាមួយ Barcelona ហើយចង់វិលត្រឡប់មកកាន់ទីនេះវិញផងដែរ។ ហេតុផលដែលចង់វិលវិញ ក៏ព្រោះតែនៅលើទឹកដីបារាំងកង្វះនូវការប្រកួតប្រជែង ។ ម្យ៉ាងវិញទៀត ការចាកចេញរបស់គាត់ទៅកាន់ទឹកដីបារាំង ដោយយល់ឃើញថា នឹងក្លាយជាបុរសដ៏សំខាន់ម្នាក់ដើម្បីប្រកួតប្រជែង ជាមួយ Messi និង Ronaldo ដណ្តើមពាន Ballon d’Or។
ទោះបីជាគាត់ធ្វើបានយ៉ាងល្អនៅទីនោះ ប៉ុន្តែតំណែងតារាបាល់ទាត់ធំរបស់គាត់ កំពុងរាំងខ្ទប់ក្រោយ វត្តមានភាពលេចធ្លោរបស់ Kylian Mbappe ដែលជាដើមទងគំរាមកំហែង។ ក្មេងជំទង់ម្នាក់នេះ កំពុងស្ថិតនៅផ្លូវដើម្បីក្លាយខ្លួនជាកីឡាករឆ្នើមរបស់ពិភពលោក និងបន្តក្លាយជាតារាធំនៅទីក្រុងប៉ារីស ៕
