មិនយូរប៉ុន្មាននោះទេ ក្រុម Manchester United អាចនឹងស្ថិតនៅក្នុងដៃ ម្ចាស់ថ្មី ប្រសិនរបាយការណ៍ ដែលត្រូវធ្វើបង្ហាញក្នុងសប្តាហ៍នេះ ។ ក្លិបអង់គ្លេសធំនេះបច្ចុប្បន្ន មានម្ចាស់ជាគ្រួសារត្រកូល Glazer ដែលរហូតមកទល់ពេលនេះ មិនមានចេតនាក្នុងការជួញដូរនោះទេ ។
កាសែត The Sun បានចុះផ្សាយថា ព្រះអង្គម្ចាស់របស់ អារ៉ាប៊ីសាអូឌីត Mohammad bin Salman មានចំណាប់អារម្មណ៍ចង់បើកការដេញថ្លៃ ដែលអាចធ្វើឲ្យលោកអាចគ្រប់គ្រងក្លិបនេះបាន។ បច្ចុប្បន្ន Man Utd ត្រូវបានគេប៉ាន់ប្រមាណថា មានតម្លៃ ៣ពាន់លានផោន ប៉ុន្តែវាមិនមែនជាបញ្ហានោះទេ សម្រាប់ត្រកូលក្សត្រ Saudi ដែលមានទឹកប្រាក់ក្នុងដៃ ៨៥០ពាន់លានផោននោះ។
រដ្ឋដែលសំបូរទៅដោយប្រេង បានវិនិយោគកន្លងទៅហើយ ជាមួយ WWE និង Formula 1 ហើយការទិញយក ក្លិប Manchester United នឹងក្លាយជាការបំពេញ យ៉ាងពេញលិញតាមគំនិតរបស់ព្រះអង្គម្ចាស់ Mohammad bin Salman ។
ប្រសិនបើការទិញនេះបានជោគជ័យមែននោះ ម្ចាស់ជើងឯក ១៣សម័យកាលក្នុងលីគកំពូលអង់គ្លេស នឹងសង្ឃឹមថានឹងកាន់តែខ្លាំងក្លា តាមពីក្រោយ Man City ដែលកំពុងព្យាយាមវិនិយោគ។
និយាយពី Man Utd នៅដើមរដូវកាលកន្លងទៅ ហាក់ដូចជាមានរឿងជាមួយគ្រូបង្វឹក Jose Mourinho ដោយមិនបានបញ្ចេញនូវកញ្ចប់ទឹកប្រាក់ ដើម្បីធ្វើការជួញដូរកីឡាករនោះទេ ។ ពាក់ព័្ធរឿងជួញដូរក្លិបវិញ កំពុងក្លាយជាប្រធានបទក្តៅគគុកសម្រាប់អ្នកគាំទ្រនៅអង់គ្លេសដោយចោទសួរ ថា បើសិនលក់មែន វាមិនប្រាកដជារឿងត្រឹមត្រូវនោះទេ ខណៈដែលក្លិបនេះមានលុយក្នុងដៃសម្រាប់ចាយវាយទិញកីឡាករដែរនោះ ៕
