ភ្នំពេញ៖ អ្នកប្រដាល់មកពីក្លិបកងរាជអាវុធហត្ថរាជធានីភ្នំពេញ កីឡាករ ឃុន ឌីម៉ា បានរក្សាតំណែងមិនទាន់ស្គាល់ពាក្យថាចាញ់នៅឡើយ ក្នុងអំឡុងការប្រកួត ៣លើកកន្លងមក ដែលបូករួមទាំងការប្រកួតនៅព្រឹកនេះ នោសង្វៀនអាស៊ីអាគ្នេយ៍ផងដែរ ។
បើតាមការបញ្ជាក់ពីឃុន ឌីម៉ា កន្លងមកលោកធ្លាប់បានជួបកីឡាករថៃ ហ្វានិមត្ត ដោយការប្រកួតពីលើកកន្លងទៅគឺបានយកឈ្នះដោយពិន្ទុ ប៉ុន្តែលោក មានការបារម្ភរឿងរបួសដៃ ខ្លាចមានការប៉ះទង្គិចដោយចៃដន្យចំរបួសចាស់នោះ អាចនឹងរើឡើង ។ បញ្ហារបួសដៃ នេះបានធ្វើឲ្យលោកអាកខានប្រកួតជាច្រើនខែផងដែរ ហើយទើបតែទទួលការប្រកួតនៅក្នុងខែនេះ ដោយត្រូវជួបកីឡាករថៃ ហ្វានិមិត្ត លើកទី៣ ។
និយាយពីកាប្រកួតនេះ ឌី ម៉ា ក៏ធ្លាប់បានបញ្ជាក់ថា សម្រាប់គូប្រកួតរបស់លោកគឺគេខ្លាំងផ្នែកខាងក្រោម គឺទាត់ និងជង្គង់ ចឹងលោកក៏ត្រូវទទួលភារកិច្ចធ្ងន់ផងដេរ ប៉ុន្តែមិនជាបញ្ហាអ្វីនោះទេ ត្រូវមើលតាមស្ថានភាពជាក់ស្តែង។
ការប្រកួតបានចាប់ផ្តើមនាព្រឹកនេះ នៅស្ថានីយ៍ទូរទស្សន៍ អាស៊ីអាគ្នេយ៍ ដោយក្នុងនោះ ឌីម៉ា បន្តធ្វើបានសម្រេចជាលើកទីបី ក្នុងជំនួបជាមួយហ្វានិមិត្ត ដោយយកឈ្នះពិន្ទុដូចមុនៗផងដែរ ក្នុងនាមជាម្ចាស់ផ្ទះ៕
